យោងទៅតាមសេចក្ដីសម្រេចថ្មីៗរបស់រាជរដ្ឋាភិបាលកម្ពុជាស្ដីពីការបិទខ្ទប់រាជធានីភ្នំពេញ និងក្រុងតាខ្មៅ និងផ្អែកតាមការបន្តប្ដេជ្ញាចិត្តរបស់យើងខ្ញុំក្នុងការបម្រើអតិថិជន យើងខ្ញុំសូមជម្រាបថា ធនាគារ ABA សាខាទួលគោក, សាខាទឹកថ្លា, សាខាសន្ធរម៉ុក, សាខាសែនសុខ, សាខាច្បារអំពៅ, សាខាផ្សារធំថ្មី និងសេវាអតិថិជននៃការិយាល័យកណ្ដាល នឹងបន្តបើកបម្រើសេវាពីថ្ងៃចន្ទ ទី19 ខែមេសា ឆ្នាំ2021 តទៅ។ សាខាទាំងនេះ នឹងធ្វើប្រតិបត្តិការពីថ្ងៃចន្ទ ដល់ថ្ងៃសុក្រ និងពីម៉ោង 8ព្រឹក ដល់ 4រសៀលប៉ុណ្ណោះ។ សាខាដទៃទៀត នឹងផ្អាកដំណើរការជាបណ្ដោះអាសន្ន ចាប់ពីថ្ងៃនេះរហូតដល់ថ្ងៃជូនដំណឹងពេលក្រោយ។

រាល់ទីតាំងស្វ័យសេវា 24/7 និងទីតាំងស្វ័យសេវាប្រចាំសាខាទាំងអស់ នៅតែបើកបម្រើសេវាជូនលោកអ្នកធម្មតា។ bit.ly/ABAHourskh

យើងខ្ញុំសុំការយោគយល់អធ្យាស្រ័យពីសំណាក់អតិថិជនទាំងអស់សម្រាប់ការកម្រិតសេវាកម្មជាបណ្ដោះអាសន្ននេះ ហើយសូមលើកទឹកចិត្តលោកអ្នក ឲ្យប្រើប្រាស់កម្មវិធី ABA Mobile សម្រាប់ការផ្ទេរប្រាក់ និងការទូទាត់ទាំងក្នុងនិងក្រៅប្រទេស, ការបង់វិក្កយបត្រផ្សេងៗ, ការទិញអាហារតាមអនឡាញ ឬការទូទាត់ថ្លៃដឹកជញ្ជូនជាដើម។ ក្នុង ABA Mobile មានគណនីរហ័ស ដែលលោកអ្នកអាចបើកគណនីដំបូងបានភ្លាមៗដោយមិនចាំបាច់អញ្ជើញទៅធនាគារ ហើយគណនីដែលបើករួច អាចប្រើបានភ្លាមៗ។ ព័ត៌មានបន្ថែម៖ bit.ly/3wBkQdG

សម្រាប់ក្រុមហ៊ុន ឬអាជីវកម្ម យើងខ្ញុំសូមណែនាំឲ្យលោកអ្នកប្រើប្រាស់ធនាគារអនឡាញ ABA សម្រាប់អាជីវកម្ម bit.ly/3gkbCwB។ ជាមួយសេវាកម្មដ៏ទំនើបនេះ ក្រុមហ៊ុនតូចធំទាំងអស់ អាចគ្រប់គ្រងហិរញ្ញវត្ថុក្រុមហ៊ុនបានយ៉ាងងាយស្រួល ព្រមទាំងអាចធ្វើការទូទាត់ និងប្រមូលការទូទាត់ដោយសុវត្ថិភាពខ្ពស់បំផុត។

សូមអរគុណ!