ប្រទេសន័រវែសដែលមានព្រំដែនជាប់នឹងប្រទេសជិតខាងដ៏ធំគឺរុស្ស៊ីបាននិយាយថា ខ្លួនបានចុះហត្ថលេខាលើកិច្ចព្រមព្រៀងដែលបានកែសម្រួលជាមួយសហរដ្ឋអាមេរិក ស្តីពីវិធីគ្រប់គ្រងសកម្មភាពយោធារបស់សហរដ្ឋអាមេរិកនៅលើទឹកដីរបស់ខ្លួន។
រដ្ឋាភិបាលបាននិយាយថា កិច្ចព្រមព្រៀងរវាងសម្ព័ន្ធមិត្តណាតូទាំងពីរនឹងអនុញ្ញាតឲ្យសហរដ្ឋអាមេរិកសាងសង់អាគារនៅមូលដ្ឋានអាកាសន័រវែសចំនួន ០៣កន្លែង និងមូលដ្ឋានកងទ័ពជើងទឹកមួយកន្លែងផងដែរ ប៉ុន្តែនឹងមិនមានមូលដ្ឋានយោធាសហរដ្ឋអាមេរិកដាច់ដោយឡែកនោះទេ។
កិច្ចព្រមព្រៀងដែលធ្វើឡើងដោយសម្លេងគាំទ្រភាគតិចរបស់រដ្ឋាភិបាលរបស់លោកនាយករដ្ឋមន្ត្រីលោក Erna Solberg ត្រូវតែផ្តល់សច្ចាប័នដោយសភាប្រទេសន័រវេសមុនពេលចូលជាធរមាន។
រដ្ឋាភិបាលបាននិយាយថា “កិច្ចព្រមព្រៀងនេះធ្វើនិយ័តកម្ម និងសម្របសម្រួលវត្តមាន ការបណ្តុះបណ្តាល និងការហ្វឹកហ្វឺនរបស់ទ័ពសហរដ្ឋអាមេរិកនៅប្រទេសន័រវេស ដូច្នេះវាជួយសម្រួលដល់ការផ្តល់ជំនួយកងទ័ពរបស់សហរដ្ឋអាមេរិកក្នុងប្រទេសន័រវែសក្នុងករណីដែលមានវិបត្តិ ឬសង្គ្រាម“ ៕
មតិយោបល់