អ្នកនាំពាក្យក្រសួងការងារនិងបណ្តុះបណ្តាលវិជ្ជាជីវៈ ឯកឧត្តម ហេង សួរ សូមបញ្ជាក់ថា បងប្អូនកម្មករនិយោជិត ឬបុគ្គលិក ក៏ដូចជាប្រជាពលរដ្ឋ ដែលកំពុងស្នាក់នៅក្នុងតំបន់ក្រហម ឬតំបន់លឿងទុំ គឺមិនអុញ្ញាតឱ្យធ្វើដំណើរចេញទៅធ្វើការងារ ឬប្រកបមុខរបរនៅក្នុងតំបន់លឿងនោះទេ។ អ្នករដ្ឋបាល និងម្ចាស់រោងចក្រ សហគ្រាស ឬក្រុមហ៊ុនមិនត្រូវបង្ខំកម្មករនិយោជីត ឬបុគ្គលិករបស់ខ្លួនឱ្យចេញពីតំបន់ក្រហម ឬតំបន់លឿងទុំជាដាច់ខាត។ បើមានការបង្ខំគឺនឹងទទួលការពិន័យតាមច្បាប់!!