សេចក្តីបកស្រាយបំភ្លឺព័ត៌មានរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ ទាក់ទងទៅនឹងករណីកូនបង្កេីតយកដែកទីបវាយទៅលេីឪពុកបង្កេីតរបស់ខ្លួន
បន្ទាប់ពីបានឃេីញរូបភាពវីដេអូករណីហិង្សាបង្កឡេីងដោយកូនប្រុសបង្កេីតយកដែកវាយទៅលេីឪពុកបស់ខ្លួនយ៉ាងសាហាឃោរឃៅ លេីបណ្តាញសង្គមហ្វេសបុកភ្លាម ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ
បានធ្វេីការស្រាវជ្រាវភ្លាម និងបានដឹងថាករណីនេះកេីតឡេីងនៅវេលាម៉ោង ១០:៣០នាទីព្រឹកថ្ងៃទី១៨ ខែឧសភា ឆ្នាំ២០២១ ត្រង់ចំណុចភូមិសំរោង សង្កាត់សំរោងក្រោម ខណ្ឌពោធិ៍សែនជ័យ
ករណីនេះកេីតឡេីងដោយសារនៅពេលដែលជនរងគ្រោះជាឪពុកកំពុងលក់ដូរនៅមុខផ្ទះ កូនប្រុសជាជនបង្កបានកាត់បំផ្លាញខ្សែភ្លេីង និងវាយកំទេចអំពូលភ្លេីងនៅក្នុងផ្ទះ ទេីបជនរងគ្រោះបានស្តីបន្ទោសទៅលេីកូនរបស់ខ្លួន ដោយមានការខឹងនឹងឪពុករបស់ខ្លួនដែលបានស្តីបន្ទោស ភ្លាមៗនោះកូនប្រុសទមិឡម្នាក់នេះ បានទៅយកបំពង់ទីបដែកមកវាយលេីឪពុកបង្កេីតរបស់ខ្លួនបង្កឲ្យរងរបួសបែកក្បាល និងរបួសត្រង់ដៃ ។
ឪពុកជនបង្កក៏បានដាក់ពាក្យបណ្តឹងរួចរាល់ហេីយ ពេលនេះសមត្ថកិច្ចជំនាញនៃអធិការនគរបាលខណ្ឌពោធិ៍សែនជ័យ កំពុងតែស្វែងរកចាប់ខ្លួនជនបង្កដេីម្បីអនុវត្តបន្តតាមនីតិវិធីច្បាប់ ៕
ប្រភព៖ ស្នងការដ្ឋាននគរបាលរាជធានីភ្នំពេញ
មតិយោបល់