ខ្សែបម្រើ Liverpool, Georginio Wijnaldum បានផ្ទេរទៅកាន់ក្លិបបារាំង Paris Saint Germain ផ្លូវការហើយមិនមែន Barcelona ឡើយជាមួយនឹងកិច្ចសន្យា ៣ឆ្នាំនៅទីក្រុងប៉ារីស។ កីឡាករវ័យ ៣០ឆ្នាំរូបនេះមិនមានការចរចាបន្តកិច្ចសន្យានៅជាមួយ Liverpool ឡើយ ស្របពេលមានទំនាក់ទំនងផ្ទេរទៅកាន់ Barcelona ជាច្រើនខែ។
ការផ្ទេរនេះដែរត្រូវបានគេដឹងថា PSG បានផ្តល់ឈ្នួលច្រើនជាង Barcelona ខណ:វត្តមានរបស់អ្នកចាត់ការ Mauricio Pochettino ក៏ជាកត្តាសំខាន់មួយក្នុងការនាំយក Gini Wijnaldum ផងដែរ បន្ទាប់ពីអ្នកចាត់អាហ្សង់ទីនរូបនេះ ធ្លាប់បាននិយាយជាមួយគេកាលមុនផ្ទេរទៅកាន់ Liverpool តែពេលនោះដំណើរផ្ទេរទៅកាន់ Spurs មិនបានសម្រេច។
Liverpool បាននាំយក Wijnaldum ពី Newcastle កាលពីឆ្នាំ២០១៦ ក្នុងតំលៃ ២៥លានផោន។ Georginio Wijnaldum ដែលជាសមាជិករបស់ក្រុមជំរើសជាតិហូឡង់នៅ Euro ២០២០ នេះបានបង្ហាញខ្លួនសរុប ២៣៧ប្រកួតឲ្យ Liverpool និងជាសមាជិកសំខាន់របស់លោក Jurgen Klopp ដែលឈ្នះជើងឯក UEFA Champions League និង English Premier League៕
មតិយោបល់