មីយ៉ាន់ម៉ា៖ ការតវ៉ាដោយមានការចូលរូមពីមនុស្សរាប់សិបនាក់ ប្រឆាំងនឹងការដណ្ដើមអំណាចរបស់យោធានៅក្នុងសហភាពមីយ៉ាន់ម៉ា បានបង្កើតជាការប្រមូលផ្ដុំគ្នាតាមកន្លែងណាត់កាលពីថ្ងៃពុធនៅក្នុងទីក្រុងយ៉ាងហ្គោន ដែលជាទីក្រុងធំបំផុតរបស់ប្រទេសនេះ។
ក្រុមអ្នកតវ៉ាបានប្រើគ្រាប់បែកផ្សែង ដើម្បីបង្កើតបរិយាកាសចម្រុះពណ៌នៅក្នុងការជួបជុំរយ:ពេលខ្លី ខណ:ដែលពួកគេបានស្រែកសុភាសិតប្រឆាំងនឹងយោធា ទន្ទឹមនឹងលើកម្រាមដៃបីជាសញ្ញានៃការតវ៉ា។ ការប្រមូលផ្ដុំគ្នាកាលពីថ្ងៃពុធ ចំពេលខួបលើកទី៥៩ ឆ្នាំនៃការបង្ក្រាបដោយហិង្សាលើនិស្សិតសកលវិទ្យាល័យមួយ ដោយរបបយោធាមីយ៉ាន់ម៉ាដែលបានធ្វើរដ្ឋប្រហារកាលពីឆ្នាំ១៩៦២។ ការក្រោកតស៊ូទៅនឹងរបបយោធានៅតែបន្តរយ:ពេល ៥ខែបន្ទាប់ពីមេដឹកនាំស៊ីវិលលោកស្រី Aung San Suu Kyi ត្រូវបានទម្លាក់ចេញពីអំណាចកាលពីថ្ងៃទី១ ខែកុម្ភ:។
ការជួបជុំគ្នាតែមួយប្រាវតាមការណាត់ បានជំនួសការតវ៉ាទ្រង់ទ្រាយធំប្រឆាំងនឹងការរឹបអូសអំណាចរបស់យោធា ដែលត្រូវបានធ្វើឡើងកាលពីខែកុម្ភ: និងមីនា ដោយសារតែមានការតបតដោយការប្រើកងកម្លាំងសន្តិសុខដ៏សាហាវ។ យោងតាមសមាគមជួយអ្នកទោសនយោបាយឲ្យដឹងថា មនុស្សជាង ៨៩០នាក់ត្រូវបានសម្លាប់ចាប់តាំងពីការដណ្ដើមអំណាច៕
មតិយោបល់