(Reuters) - កាលពីថ្ងៃចន្ទ យោងតាមជនភៀសខ្លួនជនជាតិអេត្យូពីពីររូប និងសាក្សីជនជាតិស៊ូដង់ បួនរូប បានប្រាប់រ៉យទ័រថា យ៉ាងហោចណាស់សាកសពចំនួន ៣០ បានទើរលើច្រាំងទន្លេនៃប្រទេសស៊ូដង់ ដែលស្ថិតនៅតំបន់ Tigray ភាគខាងជើងនៃប្រទេស Ethiopia ហើយពួកគេបានស្រង់សាកសពទាំងនោះរួចហើយ ។
សាកសពទាំងនោះត្រូវបានគេរកឃើញនៅក្នុងទន្លេ Setit ដែលនៅប្រទេសអេត្យូពីត្រូវបានគេស្គាល់ថា ជាទន្លេ Tekeze ជាព្រំប្រទល់រវាងទឹកដីដែលគ្រប់គ្រងដោយកងកម្លាំង Tigrayan និង Amhara ដែលមានសម្ព័ន្ធភាពជាមួយរដ្ឋាភិបាលសហព័ន្ធ Ethiopia ។
នៅចំណុចមួយផ្សេងទៀតទន្លេនេះក៏ខណ្ឌប្រទេសស៊ូដង់ ពីប្រទេស Ethiopia ផងដែរ។
វេជ្ជបណ្ឌិតលោក Tewodros Tefera ជាគ្រូពេទ្យវះកាត់ម្នាក់ដែលបានរត់គេចខ្លួនពីទីក្រុង Humera ព្រំដែនប្រទេស Ethiopia បានប្រាប់រ៉យទ័រថា លោកបានកប់សាកសពចំនួន ១០ ក្នុងរយ:ពេល ០៦ ថ្ងៃកន្លងមកនេះ នៅក្នុងប្រទេសស៊ូដង់ ហើយអ្នកនេសាទក្នុងតំបន់ និងជនភៀសខ្លួនបានប្រាប់គាត់ថា សាកសពចំនួន ២៨ ផ្សេងទៀតត្រូវបានរកឃើញ បូករួមទាំងសាកសព ០៧ ទៀតកាលពីថ្ងៃច័ន្ទ។
លោកបាននិយាយថា “ពួកគេត្រូវបានគេបាញ់ចំដើមទ្រូង ពោះ និងជើង ហើយថែមទាំងត្រូវបានគេចងដៃទៀតផង” ។ លោកបានបន្ថែមទៀតថា លោកបានកំណត់អត្តសញ្ញាណសាកសពចំនួន បី ដែលជាជនជាតិ Tigray មកពីទីក្រុង Humera ដោយមានជំនួយពីជនភៀសខ្លួន។ ប្រជាជន Tigray ជាច្រើនបានភៀសខ្លួនចូលទៅក្នុងប្រទេសស៊ូដង់នៅពេលដែលការប្រយុទ្ធគ្នាបានចាប់ផ្តើម។
គាត់បានចែករំលែកវីដេអូចំនួនពីរ មួយបង្ហាញពីបុរសមួយក្រុមដែលកំពុងជីកផ្នូរសម្រាប់កប់សាកសពមួយដែលបានទើរនៅលើច្រាំង ហើយមួយទៀតគឺបុរសទាំងនោះកំពុងកប់សពនោះទៅក្នុងផ្នូរដែលបានជីកថ្មីៗ។
ជនភៀសខ្លួនជនជាតិអេត្យូពីម្នាក់មកពីទីក្រុង Humera ដែលសុំមិនបញ្ចេញឈ្មោះដោយសារខ្លាចប៉ះពាល់ដល់គ្រួសាររបស់គាត់ដែលកំពុងស្ថិតនៅក្នុងប្រទេសអេត្យូពីបាននិយាយថា គាត់បានរកឃើញសាកសពចំនួន ០៩ ៕
មតិយោបល់