OLYMPIC 2020៖ ការប្រកួតកីឡាអូឡាំពិក២០២០ទីក្រុងតូក្យូ បញ្ចប់ថ្ងៃនេះ។ អាមេរិកថ្ងៃចុងក្រោយដណ្តើមបានមេដាយមាសច្រើនឡើងមកបញ្ចប់នៅចំណាត់ថ្នាក់លេខ១ជាមួយមេដាយសរុប ១១៣គ្រឿង ក្នុងនោះមាស ៣៩គ្រឿង ប្រាក់៤១គ្រឿង និងសំរឹទ្ធ៣៣គ្រឿង។ ចំនែកចិនដែលគ្រងតំណែងលេខ១ជាង១០ថ្ងៃ បញ្ចប់នៅចំណាត់ថ្នាក់លេខ២វិញមានមេដាយសរុប ៨៨គ្រឿង មាស៣៨គ្រឿង ប្រាក់៣២គ្រឿង និងសំរឹទ្ធ១៨គ្រឿង។

ម្ចាស់ផ្ទះជប៉ុនលេខ៣ ចក្រភពអង់គ្លេសលេខ៤ និងរុស្ស៊ីលេខ៥។ ជារួមក្នុងចំណោមជាង២០០ប្រទេស តំបន់ តំណាង និងដែនដីកោះដែលជាសមាជិក IOC មានជាង៩០ដណ្តើមបានមេដាយ។ ប្រទេសតំបន់អាស៊ានមានតែហ្វីលីពីន ថៃ ឥណ្ឌូនេស៊ី និងម៉ាឡេស៊ីទេ ដែលឈ្នះមេដាយ បើធៀបទៅនឹងប្រទេសរួមតំបន់ជាមួយ។