Post News Media ព័ត៌មានជាតិ សមត្ថកិច្ចជំន...

សមត្ថកិច្ចជំនាញឃាត់ខ្លួន បុរសម្នាក់ដកហូតបានថ្នាំញៀនមួយចំនួន

ឧត្តរមានជ័យ: កម្លាំងការិយាល័យប្រឆាំងគ្រឿងញៀននៃស្នងការដ្ឋាន​នគរបាលខេត្ត​ឧត្តរ​មានជ័យ ដឹកនាំដោយលោកវរសេនីយ៍ឯក ផេង តារា ស្នងការរង ផែនប្រឆាំងបទល្មើស បានសហការជា​មួយ​លោក គង់ រតនា ព្រះរាជអាជ្ញារង អមសាលាដំបូងខេត្តឧត្តរមានជ័យ ចុះបង្ក្រាបករណីចែកចាយ​សារធាតុ​ញៀន​មួយកន្លែង ឃាត់ខ្លួនបានជនសង្ស័យម្នាក់ និងគ្រឿងញៀនមួយចំនួនទៀត ។ ការបង្ក្រាបនេះបានធ្វើឡើង​កាល​ពីវេលាម៉ោង ១០ និង៤៥នាទី ថ្ងៃទី២ ខែកញ្ញា ឆ្នាំ២០១៦ នៅចំណុចភូមិគោកឈូក សង្កាត់កូនក្រៀល ក្រុងសំរោង ខេត្តឧត្តរមានជ័យ។

ជនសង្ស័យម្នាក់មានឈ្មោះ ឈិត ម៉ានី (ហៅចយ) ភេទប្រុស អាយុ៦០ឆ្នាំ រស់នៅភូមិគោកឈូក សង្កាត់កូន​ក្រៀល ក្រុងសំរោង ខេត្តឧត្តរមានជ័យ។ វត្ថុតាង និងសម្ភារ: ដែលត្រូវដកហូត រួមមាន ថ្នាំញៀន ប្រភេទមេតំ​ហ្វេ​​តាមីន(Wy)ចំនួន៥គ្រាប់,ថ្នាំញៀនប្រភេទ lce ចំនួន៦កញ្ចប់,ទូរស័ព្ទដៃចំនួន៥គ្រឿង,កងដៃក្រឡៃ១វង់,ប្រដាប់សម្រាប់វេចខ្ចប់មួយចំនួនទៀត ហើយបច្ចុប្បន្នសមត្ថកិច្ចកំពុងធ្វើការសាកសួរ និងកសាងសំណុំរឿងបញ្ជូន​ខ្លួន​ជនសង្ស័យ​នៅកាន់សាលាដំបូងខេត្ត ចាត់ការតាមនីតិវិធីច្បាប់៕

គ្រឿងញៀន

គ្រឿងញៀន