(កង់បេរ៉ា)៖ អូស្រ្តាលី និងនូវែលសេឡង់បានជម្លៀសមនុស្សចំនួន ១,២០០នាក់ចេញពីប្រទេសអាហ្វហ្គានីស្ថាន ស្របពេលបណ្ដាប្រទេសដទៃរួមទាំងអាមេរិក កំពុង បង្កើនល្បឿនប្រតិបត្តិការជម្លៀសឱ្យបានមុនថ្ងៃទី៣១ ខែសីហានេះ។

នាយករដ្ឋមន្រ្តីអូស្រ្តាលី Scott Morrison នៅថ្ងៃព្រហស្បតិ៍នេះបានឱ្យដឹងថា មនុស្សចំនួន ១,២០០នាក់ទៀត ត្រូវបានជម្លៀសចេញពីទីក្រុងកាប៊ុល (Kabul) ប្រទេសអាហ្វហ្គានីស្ថាន តាមជើងហោះហើរអូស្ត្រាលីចំនួន ០៦ និងជើងហោះហើរនូវែលសេឡង់ចំនួន ០១ កាលពីយប់ថ្ងៃពុធម្សិលមិញនេះ។

គិតត្រឹមថ្ងៃព្រហស្បតិ៍នេះដែរ អូស្រ្តាលី និងនូវែលសេឡង់ បានជម្លៀសមនុស្សសរុបប្រមាណ ៤,០០០នាក់ហើយចេញពីអាហ្វហ្គានីស្ថាន៕

ប្រភព៖ CGTN