បរទេស៖ ព័ត៌មានចចាមអារ់ាមអំពីការផ្ទេរកីឡាករខ្សែប្រយុទ្ធឆ្នើមរបស់ Juventus កីឡាករ CR7 មកកាន់ទឹកដីអង់គ្លេសវិញជាមួយនឹង Man City នោះគឺកាន់តែមានភាពខ្លាំងក្លាឡើងប៉ុន្តែនៅថ្ងៃនេះក៏មានការលើកឡើងពីសំណាក់អតីតមិត្តរួមក្លឹបម្នាក់ថារឿងនេះនឹងមិនអាចកើតឡើងនោះទេ។

លោក Wayne Rooney អតីតកីឡាករខ្សែប្រយុទ្ធរបស់ក្លឹបបិសាចក្រហម Man UTD និងក៏ជាអតីតមិត្តរួមក្លឹបដ៏ស្និទ្ធស្នាលបំផុតរបស់ CR7ផងនោះបានអះអាងថានឹងមិនអាចចូលរួមជាមួយនឹង Man City ដាច់ខាតនៅរដូវក្តៅនេះ។

Rooney ដែលជាវីរបុរសរបស់ Man United បានឈ្នះពានរង្វាន់ក្របខ័ណ្ឌ Premier League ចំនួនបីដងជាមួយ Ronaldo ក្នុងរយៈពេលមួយទសវត្សរ៍មុនពេលដែល Man City បានឡើងទៅឈរកំពូលតារាងបាល់ទាត់អង់គ្លេស។ ហើយក្នុងនាមជាមនុស្សម្នាក់ដែលស្គាល់ Ronaldo ច្បាស់ Rooney មិនអាចមើលឃើញខ្សែប្រយុទ្ធ Juventus ចូលរួមជាមួយអង្គការគូប្រជែងឡើយ។

ទោះបីជាយ៉ាងណាក្តី CR7 ធ្លាប់បានបញ្ជាក់អំពីភាពមិនសប្បាយចិត្តឡើយជាមួយនឹងក្លឹប Juventus ហើយក៏កំពុងចាប់អារម្មណ៍ក្នុងការផ្ទេរចេញផងដែរប៉ុន្តែក្នុងចំណោមក្លឹបជាច្រើនមានតែក្លឹបមួយចំនួនដូចជា Man City និង PSG ប៉ុណ្ណោះដែលអាចរ៉ាប់រងប្រាក់កម្រៃរបស់កីឡាកររូបនេះបាន៕