បរទេស៖ អតីតកីឡាករខ្សែប្រយុទ្ធរបស់ក្លឹបតោខៀវ Chelsea និងបច្ចុប្បន្នជាកីឡាកររបស់ក្លឹបកាំភ្លើងធំ Arsenal កីឡាករ Willian ដែលបច្ចុប្បន្ននៅសល់កុងត្រាចាស់ត្រឹមតែ ១ឆ្នាំទៀតប៉ុណ្ណោះនោះបានសម្រេចចិត្តផ្តាច់កុងត្រាជាមួយនឹងគ្នាហើយដើម្បីអាចចូលរួមជាមួយនឹងក្លឹបថ្មី។

The Goal ចេញផ្សាយថា Willian បានសម្រេចចិត្តក្នុងការផ្តាច់កុងត្រាចោលនិងព្រមព្រៀងកុងត្រាថ្មីជាមួយនឹងក្លឹប Corinthians ដែលខ្លួនធ្លាប់មានវត្តមានលេងតាំងតែពីនៅវ័យក្មេងហើយកីឡាករវ័យ៣៣ឆ្នាំរូបនេះនឹងអាចផ្ទេរទៅនៅចុងម៉ោងនៃរដូវកាលដោះដូរលើកនេះ។

Willian វ័យ ៣៣ឆ្នាំរូបនេះបានចុះកុងត្រារយៈពេល ៣ឆ្នាំជាមួយនឹង Arsenal ក្នុងនាមជាកីឡាករគ្មានតម្លៃខ្លួនពីក្លឹប Chelsea ប៉ុន្តែមិនអាចជួយឲ្យទំរង់លេងរបស់ក្លឹបបានល្អប្រសើរជាងនេះឡើយគឺត្រឹមបានបង្ហាញខ្លួន ៣៨ដងនិងរកបានគ្រាប់បាល់តែ ១គ្រាប់ប៉ុណ្ណោះនៅ Emirates ៕