(Reuters) - ប្រធានាធិបតីលោក Tayyip Erdogan បាននិយាយថា ប្រទេសតួកគីនៅតែមានបំណងទិញប្រព័ន្ធការពារមីស៊ីលប្រភេទ S -400 ជាលើកទីពីរពីប្រទេសរុស្ស៊ី ដែលនេះជាជំហានមួយដែលអាចធ្វើឲ្យមានការបែកបាក់ជាមួយទីក្រុងវ៉ាស៊ីនតោនដែលជាសម្ព័ន្ធមិត្តណាតូ និងបង្កការដាក់ទណ្ឌកម្មថ្មីរបស់សហរដ្ឋអាមេរិក។
ទីក្រុងវ៉ាស៊ីនតោននិយាយថា ប្រព័ន្ធការពារមីស៊ីលប្រភេទ S -400 បង្កការគំរាមកំហែងដល់យន្តហោះចម្បាំងប្រភេទ F-35 របស់ខ្លួន និងប្រព័ន្ធការពាររបស់ណាតូ។ ប៉ុន្តែប្រទេសតួកគីនិយាយថា ខ្លួនមិនអាចទិញប្រព័ន្ធការពារដែនអាកាសពីសម្ព័ន្ធមិត្តណាតូតាមលក្ខខណ្ឌដែលខ្លួនពេញចិត្តនោះទេ។
កាលពីថ្ងៃអាទិត្យ នៅក្នុងបទសម្ភាសន៍”Face the Nation” ដែលបានចាក់ផ្សាយតាមកញ្ចក់ទូរទស្សន៍ CBS News ប្រធានាធិបតីលោក Erdogan បាននិយាយថា “នាពេលអនាគត គ្មាននរណាម្នាក់អាចជ្រៀតជ្រែកក្នុងការទិញប្រព័ន្ធការពារប្រភេទណា និងពីប្រទេសណា ហើយក្នុងកម្រិតណាមួយនោះទេ” “គ្មាននរណាម្នាក់អាចជ្រៀតជ្រែកក្នុងរឿងនេះបានទេ។ ហើយយើងគឺជាមនុស្សតែម្នាក់គត់ដែលធ្វើការសម្រេចក្នុងរឿងនេះ” ។
កាលពីខែធ្នូ សហរដ្ឋអាមេរិកបានដាក់ទណ្ឌកម្មលើប្រធាននាយកដ្ឋានឧស្សាហកម្មការពារជាតិរបស់តួកគីគឺលោក Ismail Demir និងបុគ្គលិកបីនាក់ផ្សេងទៀត បន្ទាប់ពីប្រទេសនេះបានទិញប្រព័ន្ធការពារគ្រាប់មីស៊ីលប្រភេទ S-400 ជាលើកដំបូង។
កិច្ចពិភាក្សាបានបន្តរវាងរុស្ស៊ី និងតួកគីអំពីការដឹកជញ្ជូនប្រព័ន្ធការពារទីពីរដែលទីក្រុងវ៉ាស៊ីនតោនបាននិយាយម្តងហើយម្តងទៀតថា ស្ទើរតែប្រាកដថានឹងមានការដាក់ទណ្ឌកម្មថ្មី ៕
មតិយោបល់