បរទេស៖ កីឡាករខ្សែប្រយុទ្ធអង់គ្លេសនិងជាឈុតរបស់តោបីអង់គ្លេសចំនួន២នាក់ត្រូវបានក្លាយទៅជាកីឡាករគោលដៅសម្រាប់ជំនួសតំណែងរបស់កីឡាករខ្សែប្រយុទ្ធបារាំង Lacazette នៅក្លឹបកាំភ្លើងធំ Arsenal ។

The Goal ជឿជាក់ថាក្លឹបកាំភ្លើងធំ Arsenal កំពុងត្រៀមការងារក្នុងការចរចាជាមួយនឹងកីឡាករខ្សែប្រយុទ្ធទាំងពីរគឹ Dominic Calvert-Lewin និងកីឡាករ Ollie Watkins ផងខណៈដែលគ្រូបង្វឹកក្លឹប Arsenal លោក Mikel Arteta កំពុងខ្នះខ្នែងក្នុងការផ្លាស់ប្តូរទំរង់លេង។

គួរឲ្យដឹងដែរថា Calvert Lewin ត្រូវបានគេមើលឃើញថានឹងក្លាយទៅជាកីឡាករជំនួសតំណែងរបស់ Harry Kane សម្រាប់ជម្រើសជាតិខណៈដែល Watkins ទើបតែអាចទទួលបានការកោះហៅពីជម្រើសជាតិអង់គ្លេសបន្ទាប់ពីចប់ព្រឹត្តិការណ៍អ៊ឺរ៉ូឆ្នាំ២០២០កន្លងមកនេះប៉ុណ្ណោះ៕