ភ្នំខ្នងព្រះ ជាគោលដៅទេសចរណ៍បែបផ្សងព្រេងថ្មីលើទឹកដីខេត្តពោធិ៍សាត់ កំពុងតែទាក់ទាញភ្ញៀវទេស ចរឲ្យចង់ដឹងចង់ស្គាល់ពីសក្កានុពល សម្រស់ដ៏ស្រស់ត្រកាលនៃតំបន់ទេសចរណ៍ធម្មជាតិ ដែលមានទេសភាពស្អាត មានព្រៃឈើតូចធំ ខៀវស្រងាត់អមដោយផ្កាព្រៃចម្រុះពណ៌ និងមានជីវៈចម្រុះជាច្រើនអនេក។ អ្នកយកព័ត៌មានយើងធ្វើសេចក្តីរាយការណ៍… លោក សំ ឃីម ប្រធានមន្ទីរទេសចរណ៍ខេត្តពោធិសាត់ បានប្រាប់វិទ្យុជាតិកម្ពុជាថា ភ្នំខ្នងព្រះ ជាតំបន់អេកូទេស ចរណ៍ថ្មីហើយល្បី កំពុងឆក់យកបេះដូងភ្ញៀវទេសចរយ៉ាងខ្លាំងជាពិសេសអ្នកទេសចរដែលនិយមធ្វើដំណើរផ្សង ព្រេងដោយសារទីនោះ មានផ្ទាំងថ្មដែលជាថ្មភ្នំធម្មជាតិដ៏ស្រស់ស្អាត មានព្រៃព្រឹក្សាខៀវស្រងាត់ ជាមួយនឹងភ្នំល្វឹងល្វើយអមដោយផ្កាព្រៃ ចម្រុះពណ៌ដែលពេញនិយមបំផុតសម្រាប់ភ្ញៀវទេសចរឡើងភ្នំបោះតង់ សម្រាកលម្ហែកាយស្រូបយកខ្យល់អាកាសបរិសុទ្ធ គយគន់ធម្មជាតិព្រៃភ្នំ និង ស្តាប់សំឡេងសត្វយំប្រគំជាបទភ្លេង រំសាយអារម្មណ៍ បាត់អស់ទុក្ខកង្វល់។
លោកបន្ថែមទៀតថា ពេលឡើងដល់កំពូលភ្នំហើយអ្នកទេស ចរអាចអង្គុយមើលទេសភាពពីលើកំពូលភ្នំឃើញខេត្តពោធិ៍ សាត់ទាំងមូល និងផ្លូវកាច់កោងគួរឱ្យទាក់ទាញនៃភ្នំ ១៥០០លើសពីនោះនៅព្រឹកព្រលឹមអ្នកទេសចរអាចអង្គុយមើលថ្ងៃរះពីលើកំពូល ភ្នំហើយនៅពេលថ្ងៃអាចដើរ កម្សាន្តថតរូបទុកជាអនុស្សាវ រីយ៍ រីឯពេលរាត្រីអាចដុតភ្លើងអង្គុយមុខតង់មើលផ្កាយរះយ៉ាងប្លែកភ្នែកទៀតផង។ សំឡេង៖ ភ្នំខ្នងព្រះនៅលើភ្នំ ១៥០០តំបន់នឹងភ្ញៀវទៅ លេងច្រើនណាស់ បើយើងឡើងទៅយើងមើលឃើញទេសភាពទៅខេត្តត្រាតប្រទេសថៃមើលថ្ងៃលិចនិងថ្ងៃរះចឹងយើងមើលឃើញថ្ងៃរះនិងថ្ងៃលិចព្រោះអាហ្នឹងជាភ្នំ ១៥០០ដែលខ្ពស់ជាងគេ។
លោកប្រធានមន្ទីរបញ្ជាក់ថា ភ្នំខ្នងព្រះស្ថិតនៅតាមតំបន់ភ្នំ ១៥០០នៃឃុំអូរសោមស្រុកវាលវែងខេត្តពោធិ៍សាត់ភ្ញៀវទេសចរអាចធ្វើដំណើរឡើង លើភ្នំនេះដោយថ្មើជើងប្រហែលជា ៥ទៅ៦ម៉ោងអាស្រ័យទៅលើអ្នកដំណើរដើរយឺត ឬដើរលឿនតែប៉ុណ្ណោះ
![](https://i0.wp.com/domneng.news/wp-content/uploads/2021/10/241754445-3560009040806953-1660028715960982527-n.jpg?resize=1000%2C666&ssl=1)
![](https://i0.wp.com/domneng.news/wp-content/uploads/2021/10/242027341-2971410326438021-8700913072003059909-n.jpg?resize=1000%2C667&ssl=1)
![](https://i0.wp.com/domneng.news/wp-content/uploads/2021/10/242152058-2971417059770681-1832101273622927265-n.jpg?resize=562%2C1000&ssl=1)
![](https://i0.wp.com/domneng.news/wp-content/uploads/2021/10/242126075-2971415833104137-3569788048488197861-n.jpg?resize=1000%2C667&ssl=1)
![](https://i0.wp.com/domneng.news/wp-content/uploads/2021/10/242103676-2971415803104140-8738687128014451356-n.jpg?resize=1000%2C750&ssl=1)
![](https://i0.wp.com/domneng.news/wp-content/uploads/2021/10/243230391-1206564933187625-3242584135745511848-n.jpg?resize=1181%2C886&ssl=1)
![](https://i0.wp.com/domneng.news/wp-content/uploads/2021/10/242082670-2971415809770806-8012820832154508672-n.jpg?resize=1000%2C750&ssl=1)
![](https://i0.wp.com/domneng.news/wp-content/uploads/2021/10/563EF01D-1E4F-4094-BEDF-1DD95F0.jpeg?resize=900%2C506&ssl=1)
![](https://i0.wp.com/domneng.news/wp-content/uploads/2021/10/1E10BD34-BF76-475B-808D-94CAB7B.jpeg?resize=640%2C432&ssl=1)
![](https://i0.wp.com/domneng.news/wp-content/uploads/2021/10/2.58808744-1.jpg?resize=764%2C430&ssl=1)
មតិយោបល់