ប្រភពព័ត៌មានពីពលរដ្ឋនៅកន្លែងកើតហេតុ បានប្រាប់ឲ្យដឹងថាមុនកើតហេតុគេបានឃើញបុរសម្នាក់រួមនឹងស្រ្តីម្នាក់ទៀត បានបើករថយន្តកូរ៉េពណ៌សមួយគ្រឿងពាក់ផ្លាកលេខ ភ្នំពេញ 2H-0793 បើកតាមបណ្តោយផ្លូវ២១៧ក្នុងទិសដៅពីលិចមកកើតក្នុងល្បឿនយ៉ាងលឿន មកដល់ចំណុចកើតហេតុខាងលើបានរេចង្កូតរថយន្ត ទៅបុ.ករះកន្លែងលក់ដូរខូចខាតសម្ភារ:មួយចំនួន រួចបន្តទៅបុកម៉ូតូ១គ្រឿងទៀត ទៅផ្ទប់ចូលរបងផ្ទះពលរដ្ឋបណ្តាលឲ្យបុរសម្នាក់រងរបួសធ្ងន់ និងម្នាក់ទៀតរងរបួសស្រាល ហើយភ្លាមៗនោះដែរ សមត្ថកិច្ចក៏បានចុះមកដល់ឃាត់ខ្លួនអ្នកបើកបរ និងស្រ្តីរួមដំណើរជាមួយ យកទៅអធិការដ្ឋាននគរបាលខណ្ឌដើម្បីធ្វើការសាកសួរចាត់ការបន្តតាមនីតិវិធី។

ក្រោយកើតហេតុខាងលើសមត្ថកិច្ចមូលដ្ឋាន សហការជាមួយនឹងផ្នែកជំនាញចរាចរណ៍ ចុះមកដល់រួចក៏ទំនាក់ទំនងទៅផ្នែកជំនាញចរាចរណ៍ក្រុង ឱ្យចុះមកវាស់វែងយករថយន្តស្ទូចមកស្ទូចយករថយន្តបង្កខាងលើ ទៅរក្សាទុកនៅខាងការិយាល័យចរាចរណ៍ជំនាញផ្លូវគោក នៃស្នងការនគរបាលរាជធានីភ្នំពេញ រង់ចាំដោះស្រាយនៅពេលក្រោយ៕