យ៉ាងហោចណាស់មានមនុស្សប្រុសស្រី៤នាក់ បានស្លាប់នៅនឹងកន្លែង ក្នុងគ្រោះថ្នាក់ចរាចរណ៍មួយ រវាងរថយន្តស្ទូច និងរថយន្តសាំយ៉ុងដឹកអ្នកដំណើរនៅលើផ្លូវជាតិលេខ៣ កំពត-ព្រះសីហនុ ហួសសាលាសង្កាត់បឹងទូក ស្ថិតនៅក្នុងភូមិកែបថ្មី សង្កាត់បឹងទូក ក្រុងបូកគោ នៅ ថ្ងៃទី០៤ ខែធ្នូ ឆ្នាំ២០២១។

តាមព័ត៌មានបឋម ក្នុងរថយន្តសាំយ៉ុងដឹកអ្នកដំណើរមានមនុស្សចំនួន ១១នាក់ នៅក្នុងរថយន្ត។ ភ្លាមនោះដែរ ឯកឧត្ដមអភិបាលខេត្តកំពត បានបញ្ជាដល់កងកម្លាំង និងមន្ទីរជំនាញសង្គ្រោះពលរដ្ឋដែលរងរបួសជាបន្ទាន់ ប្រសិនបើធ្ងន់ធ្ងរត្រូវបញ្ជូនទៅសង្គ្រោះបន្ទាន់នៅភ្នំពេញ។