អ្នកគ្រូ ឡុង ណាលី គ្រូហុងស៊ុយបែបវិទ្យាសាស្រ្តដ៏ល្បីនៅលើបណ្ដាញសង្គម បានផ្ដាំដាច់ខាតនៅថ្ងៃសែនចូលឆ្នាំថ្មីប្រពៃណីចិន ដែលនឹងប្រព្រឹត្តទៅថ្ងៃទី ៣១ ខែមករា ឆ្នាំ ២០២២ ខាងមុខ ហាមដុតផាវ ឬ បាញ់កាំជ្រួច បើមិនចង់ស៊យធំទេនោះ។
ជារៀងរាល់ឆ្នាំ ឱ្យតែដល់ឱកាសពិធីបុណ្យចូលឆ្នាំចិនម្ដងៗ តែងមានការដុតផាវ ឬបាញ់កាំជ្រួចដើម្បីអបអរសាទរដល់ពិធីបុណ្យចូលឆ្នាំថ្មីប្រពៃណីចិន វៀតណាម ដែលប្រជាជនចិនភាគច្រើនយល់ថា ជារឿងនាំមកនូវលាភសំណាងដោយឡែកនៅក្នុងឆ្នាំ ២០២២ នេះ អ្នកគ្រូហុងស៊យ ឡុង ណាលី បានហាមដាច់ខាតមិនឱ្យដុតផាវ ឬបាញ់កាំជ្រួចដូចរាល់ឆ្នាំឡើយ ដោយហេតុផលអ្នកគ្រូបានពន្យល់ថា ៖

– បើមិនដូច្នោះទេ លោកអ្នកនឹងមានបញ្ហាកើតឡើងដោយនឹកស្មានមិនដល់ ទោះជាផ្ទះបែរមុខទៅទិសខាងណាក៏ដោយ គឺហាមដុតផាវជាដាច់ខាត គ្រោះធំ ស៊យធំនឹងកើតឡើងដោយនឹកស្មានមិនដល់ បើអ្នកដុតផាវ ឬបាញ់កាំជ្រួច ព្រោះថ្ងៃសែននោះជាថ្ងៃវក ឆុង និងឆ្នាំខាល ហើយទិសទាំង 8 ជាទិសឆុងទាំងអស់។
– រាសីដែលត្រូវប្រយ័ត្នជាងគេគឺ អ្នកមានឆ្នាំ វក ម្សាញ់ ខាល កុរ ជាពិសេសអ្នកកើតចំថ្ងៃ ឬ ខែ វក ម្សាញ់ ខាល កុរ សូមប្រយ័ត្នកុំសែនហើយដុតផាវ ឬ ដុតកាំជ្រួច ក្នុងថ្ងៃ ៣១ខែមករា នេះ៕