(សេអ៊ូល)៖ កូរ៉េខាងជើងបានបាញ់មីស៉ីលចំនួន២គ្រាប់ទៀត ដែលទំនងជាប្រភេទមីស៉ីលគ្រូស (cruise missile) ធ្លាក់ចូលក្នុងតំបន់សមុទ្រភាគខាងកើត នៅថ្ងៃអង្គារ ទី២៥ ខែមករានេះ។

នេះជាការធ្វើតេស្តមីស៉ីលលើកទី៥ហើយ ក្នុងឆ្នាំនេះរបស់កូរ៉េខាងជើង បន្ទាប់ពីមេដឹកនាំកំពូលកូរ៉េខាងជើង លោក គីម ជុងអ៊ុន បានប្តេជ្ញាពង្រឹងសមត្ថភាពយោធា។

ក្នុងខែមករានេះ កូរ៉េខាងជើងធ្លាប់បានបាញ់តេស្តមីស៉ីលចំនួន៤លើករួចហើយ ដែលរួមមានការបាញ់មីស៉ីលបាលីស្ទិក (ballistic missile) និងមីស៉ីលល្បឿនលឿនជាងសំឡេង (hypersonic missile) ហើយការធ្វើតេស្តថ្មីចុងក្រោយគេ គឺកាលពីថ្ងៃទី១៧ ខែមករា៕

ប្រភព៖ Reuters