ភ្នំពេញ ÷ បុរសម្នាក់បានបាត់បង់ជីវិត នៅនឹងកន្លែងកើតហេតុភ្លាមៗ បន្ទាប់ពីដើរឆ្លងផ្លូវ ត្រូវរថយន្តមិនចាំម៉ាក បើកបុ.ករួចកិ.នពីលើចំក្បា.លបណ្តាលឲ្យដា.ច់ចេញពីខ្លួន ចំណែករថយន្តបង្កបើករត់គេចខ្លួនបាត់ស្រមោល។

ហេតុការណ៍គ្រោះថ្នាក់ចរាចរណ៍ដ៏រន្ធត់នេះ បានកើតឡើងកាលពីវេលាម៉ោង ៣និង១០ទានីទៀបភ្លឺ ឈានចូលថ្ងៃទី៣១ ខែមករា ឆ្នាំ២០២២ ស្ថិតនៅតាមបណ្តោយផ្លូវ២១៧ ភូមិព្រែកជ្រៃ ក្នុងសង្កាត់ស្ពានថ្ម ខណ្ឌដង្កោ រាជធានីភ្នំពេញ។

សពជនរងគ្រោះនៅពុំទាន់ស្គាល់អត្តសញ្ញាណនៅឡើយ ដោយឡែកភិនភាគជនរងគ្រោដោះអាវ និងស្លៀកខោខ្លី។

ប្រភពព័ត៌មានពីប្រជាពលរដ្ឋ នៅកន្លែងកើតហេតុ បានប្រាប់ឲ្យដឹងថា មុនកើតហេតុ គេបានឃើញបុរសជនរងគ្រោះខាងលើ បានដើរឆ្លងផ្លូវបម្រុងនឹងឆ្លង ទៅផ្លូវម្ខាងទៀត ពេលដើរដល់ពាក់កណ្តាលផ្លូវ ស្រាប់តែមានរថយន្តបង្កមិនចាំម៉ាក បើកបរតាមបណ្តោយផ្លូវ២១៧ ទិសដៅពីជើងមកត្បូងក្នុងល្បឿនលឿន បានមកបុ.កបុរសជនរងគ្រោះពេញទំហឹង បណ្តាលឲ្យដួលរួចកិ.នពីលើចំក្បា.លដា.ច់ចេញពីខ្លួន និងបែ.កសាច់ខ្ទាតពេញផ្លូវ ហើយភ្លាមនោះដែរ ដោយស្ថានភាពងងឹត មើលរថយន្តមិនស្គាល់ រួចក៏រថយន្តបង្ក បានបន្តល្បឿន បើកទៅមុខរត់គេចខ្លួនបាត់ស្រមោល ក្រោយមកប្រជាពលរដ្ឋជិតខាង បានរាយការណ៍ទៅសមត្ថកិច្ចមូលដ្ឋាន ចុះមកកន្លែងកើតហេតុភ្លាមៗ។

ក្រោយសមត្ថកិច្ចមូលដ្ឋាន ចុះមកដល់ដោយជនរងគ្រោះ ពុំទាន់មានអត្តសញ្ញាណ ក៏ធ្វើកំណត់ហេតុ ប្រគល់សពទៅឲ្យរថយន្តសាមុយ ដឹកយកទៅតម្កល់ទុកនៅវត្តឬស្សីសាញ់ រងចាំក្រុមគ្រួសារ មកទទួលសព យកទៅធ្វើបុណ្យតាមប្រពៃណី៕