ភ្នំពេញៈ នៅរសៀលថ្ងៃទី១០ ខែតុលា ឆ្នាំ២០១៦នេះ លោក កែវ មុនី ចៅក្រមជំនុំជម្រះនៃសាលាដំបូងរាជធានីភ្នំពេញ បានប្រកាសសាលក្រមសម្រេចផ្តន្ទាទោសជនជាប់ចោទឈ្មោះ KAZI FRANCS OLIVIER ភេទប្រុស អាយុ៣៨ឆ្នាំ ជនជាតិកុងហ្គោ ដាក់ពន្ធនាគារកំណត់រយៈពេល២ឆ្នាំ និងតម្រូវឱ្យជនជាប់ចោទសងសំណងខូចខាតចំនួន៤៨,០០០ដុល្លារ និងសំណងជំងឺចិត្តចំនួន ៥,០០០ដុល្លារ ឱ្យទៅដើមបណ្តឹង ក្រោមបទចោទប្រកាន់ពីបទប្រើប្រាស់ឯកសារសាធារណៈក្លែងក្លាយ ប្រព្រឹត្តនៅធនាគារកាណាឌីយ៉ា កាលពីអំឡុងថ្ងៃទី១៧ និង២២ ខែមីនា ឆ្នាំ២០១៦ បទល្មើសដែលមានចែងឱ្យផ្តន្ទោសតាមប្បញ្ញត្តិមាត្រា ៦២៨នៃក្រមព្រហ្មទណ្ឌ។

នៅក្នុងសវានាការនារសៀលថ្ងៃទី៦ ខែតុលា ឆ្នាំ២០១៦កន្លងទៅជនជាប់ចោទបានសារភាពថា ខ្លួនពិតជាបានយកលិខិតឆ្លងដែលក្លែងក្លាយទៅបើកប្រាក់ចំនួន ៤៨,០០០ដុល្លារនៅធនាគារកាណាឌីយ៉ាប្រាកដមែន ដោយខ្លួនធ្វើតាមបញ្ជារបស់ឈ្មោះ ហ្វ្រង់ ស្វ័រ ដែលសន្យាថា បើកបានលុយបាន នឹងចែកឱ្យខ្លួនចំនួន ២០០០ដល្លារ។ ជនជាប់ចោទបានបន្តថា ដោយមានការសង្ស័យបុគ្គលិកធនាគារបានចាប់ខ្លួនគេឱ្យសមត្ថកិច្ចភ្លាមៗតែម្តង៕

https://youtu.be/tT9C0R-caZw