បរទេស៖ កីឡាករខ្សែប្រយុទ្ធរបស់ក្លឹប Torino កីឡាករ Andrea Belotti ត្រូវបាន the Calciomercato ចេញផ្សាយកំពុងរងចាំសំណើរមួយពីក្លឹបយក្សអ៊ីតាលី Inter Milanដើម្បីអាចធ្វើការជាមួយគ្នានៅរដូវកាលក្រោយ។

កីឡាករវ័យ២៨ឆ្នាំរូបនេះបានសម្រេចចិត្តមិនបន្តកុងត្រាថ្មីនិងទុកឲ្យពេលវេលាដែលនៅសេសសល់នៅក្នុងកុងត្រាអស់សុពលភាពដើម្បីអាចធ្វើការចាកចេញពី Torino ដោយមិនមានតម្លៃខ្លួនឡើយនៅរដូវក្តៅខាងមុខ។

កីឡាករ Belotti បានទទួលចំណាប់អារម្មណ៍ពីសំណាក់ក្លឹបជាច្រើនប៉ុន្តែមិនទាន់មាន Inter Milan នៅឡើយដែលជាក្លឹបកីឡាករប្រាថ្នាចង់លេងជាមួយពីព្រោះគិតថាវានឹងធ្វើឲ្យឱកាសរបស់ខ្លួនក្នុងការបង្ហាញខ្លួនឲ្យជម្រើសជាតិកាន់តែមានច្រើនឡើង៕