(ម៉ូស្គូ)៖ ប្រទេសរុស្ស៊ី បានប្រកាសថានឹងបើកច្រករបៀងមនុស្សធម៌ថ្មីមួយទៀត ដើម្បីអនុញ្ញាតឱ្យជនស៊ីវិលជម្លៀសចេញ ក្នុងនោះរួមមានទាំង ទីក្រុងកៀវផងដែរ ដោយចាប់អនុវត្តចាប់ពីម៉ោង១០៖០០នាទីព្រឹក ថ្ងៃចន្ទនេះ (ម៉ោងនៅទីក្រុងម៉ូស្គូ)។ បើតាមក្រសួងការពារជាតិរុស្ស៊ី

ក្រសួងការពារជាតិរុស្ស៊ីបានឱ្យដឹងថា ជនស៊ីវិលនឹងអាចចាកចេញទៅរុស្ស៊ី និងបេឡារុស ហើយច្រករបៀងពីទីក្រុងកៀវ (Kyiv) នឹងនាំទៅដល់រុស្ស៊ី
និងបេឡារុស ហើយជនស៊ីវិលមកពីទីក្រុង ខាកៀវ (Kharkiv) នឹងមានតែច្រករបៀងតែមួយគត់ ដែលឱ្យពួកគេធ្វើដំណើរទៅដល់រុស្ស៊ីប៉ុណ្ណោះ។

ចំណែកឯ ច្រករបៀងពីទីក្រុងម៉ារីយូប៉ូល (Mariupol) និងទីក្រុងស៊ូមៃ (Sumy) អាចនឹងអនុញ្ញាតឱ្យជនស៊ីវិល ឆ្ពោះទៅកាន់ទីក្រុងផ្សេងទៀតរបស់អ៊ុយក្រែន និងរុស្ស៊ី៕

ប្រភព៖​ Reuters