តាកែវ:នៅថ្ងៃអង្គារ ០៤កើត ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ១៣ ខែកុម្ភៈ ឆ្នាំ២០២៤ វេលាម៉ោង ១៧និង៣០នាទី ស្ថិតនៅលើផ្លូវជាតិលេខ១៣២ ចន្លោះគីឡូម៉ែត្រ ២០-២១ ក្នុងភូមិស្ទឹង ឃុំអូរសារាយ ស្រុកត្រាំកក់ ខេត្តតាកែវ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូ និង ម៉ូតូ ក្នុងទិសដៅបញ្រ្ចាសទិសគ្នា៖
មានម៉ូតូមួយគ្រឿងម៉ាក ហុងដាឌ្រីម C125 ពណ៌ខ្មៅ ពាក់ស្លាកលេខ កំពត 1P-0512 បេីកបរដោយឈ្មោះ ឈៀង បារាំង ភេទប្រុស អាយុ២៣ឆ្នាំ រស់នៅភូមិកំណប់ ឃុំស្រែចែង ស្រុកជុំគីរី ខេត្តកំពត (ស្លាប់នៅកន្លែងកេីតហេតុ) បេីកបរមកពីទិសខាងកេីតទៅលិច លុះមកដល់ចំនុចខាងលេីបានបុកម៉ូតូមួយគ្រឿងម៉ាកហុងដាឌ្រីម C125 ភ្នំពេញ 1JK-0012 បេីកបរដោយឈ្មោះ ឆន ជីវ័ន ភេទប្រុស អាយុ១៧ឆ្នាំ រស់នៅភូមិស្ទឹង ឃុំអូរសារាយ ស្រុកត្រាំកក់ខេត្តតាកែវ មុខរបរកសិករ (ស្លាប់ពេលបញ្ជូនទៅមន្ទីរពេទ្យ) បើកបរមកពីទិសខាងលិចទៅកេីត។ សពត្រូវបានប្រគល់ជូនសាច់ញាតិយកទៅធ្វេីបុណ្យតាមប្រពៃណី។ កម្លាំងជំនាញកំពុងកសាងសំណុំរឿងទៅតាមនីតិវិធី រីឯវត្ថុតាងត្រូវបានយកមករក្សាទុកនៅប៉ុស្តិ៍រដ្ឋបាលអូរសារាយនៃអធិការដ្ឋាននគរបាលស្រុកត្រាំកក់។
មតិយោបល់