Post News Media ព័ត៌មានជាតិ រថយន្ត ​មួយគ្...

រថយន្ត ​មួយគ្រឿង​បើក​បុក​ម៉ូតូ​​ម្នាក់​ស្លាប់ ​រួច​គេច​ខ្លួន​បាត់​ស្រមោល​

ឧត្តរមានជ័យ: មានករណីគ្រោះថ្នាក់ចរាចរណ៍ ដែលបង្កឡើងរវាងរថយន្ត បុកជាមួយម៉ូតូ បណ្តាលឲ្យភាគីខាងម៉ូតូស្លាប់ភ្លាមៗ នៅកន្លែងកើតហេតុ កាលពីវេលាម៉ោង៣និង៤០នាទី ថ្ងៃទី៥ ខែកញ្ញា ឆ្នាំ២០១៦ នៅភូមិ ព្រះប្រឡាយ ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ។

សមត្ថកិច្ច បានឲ្យដឹងថា ជនរងគ្រោះ មានឈ្មោះ រ៉េន ឆេង លាង ភេទប្រុស អាយុ១៧ឆ្នាំ រស់នៅភូមិទំនប់ដាច់ ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ ជិះម៉ូតូម្នាក់ឯង បើកម៉ូតូម៉ាកគុប៩០ ពាក់ស្លាកលេខ ឧ-ជ១A1181. ចំណែក រថយន្តបង្កម៉ាកឡង់គ្រីស័រ សេរីឆ្នាំ៩៦ពណ៌ទឹកប៊ិច ពាក់ស្លាកលេខ ភ-ព២-គ៧២៧២ អ្នកបើកបរឈ្មោះ រិទ្ធ ខ្នី ភេទប្រុស អាយុ៣៥ឆ្នាំ រស់នៅភូមិត្រាំប៉ោង ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ។

សមត្ថកិច្ច នៃអធិការនគរបាលស្រុក បានបន្តថា ក្រោយពេលបង្កម្ចាស់បើករថយន្តរត់គេចខ្លួន ហើយទុករថយន្តចោល។បច្ចុប្បន្ននេះ សមត្ថកិច្ចយើងកំពុងស្រាវជ្រាវ រកជនបង្កយកមកផ្តន្ទាទោសទៅតាមផ្លូវច្បាប់ ៕

បើកបុកម៉ូតូម្នាក់ស្លាប់

បើកបុកម៉ូតូម្នាក់ស្លាប់1