Post News Media ព័ត៌មានជាតិ ស្លាប់​៤​នាក់...

ស្លាប់​៤​នាក់​របួសធ្ងន់​ស្រាល​៧​នាក់ ក្នុងហេតុការណ៍គ្រោះថ្នាក់​ចរាចរណ៍​ថ្ងៃទី​៨​ខែកញ្ញា​នេះ

ភ្នំពេញ: ករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន ៥លើក ( យប់ ៣លើក ) បណ្តាលឲ្យមនុស្សស្លាប់៤នាក់ (ប្រុស) រងរបួសធ្ងន់២នាក់ ( ប្រុស) និងរងរបួសស្រាល៥នាក់ (ស្រី២នាក់)។

នៅក្នុងហេតុការណ៍គ្រោះថ្នាក់ចរាចរណ៍ទាំង៥លើកនេះ បណ្តាលឲ្យខូចខាតយានយន្តសរុបចំនួន៩គ្រឿង រួមមាន ម៉ូតូចំនួន៥គ្រឿង រថយន្តធុនតូចចំនួន៣គ្រឿង និងរថយន្តធុនធំចំនួន១គ្រឿង។ សូមបញ្ជាក់ថា របាយការណ៍នេះ ( គិតចាប់ពីវេលាម៉ោង២រសៀលថ្ងៃទី៧ ខែកញ្ញា ដល់វេលាម៉ោង២ថ្ងៃទី៨ ខែកញ្ញា ឆ្នាំ២០១៦ ) ។

របាយការណ៍ បានឲ្យដឹងថា មូលហេតុដែលបណ្តាលឲ្យកើតមានករណីគ្រោះថ្នាក់ ចរាចរណ៍  រួមមាន ល្មើសល្បឿន២លើក (ស្លាប់៣នាក់) មិនប្រកាន់ស្តាំ ២លើក ( ស្លាប់១នាក់) និងបត់គ្រោះថ្នាក់១លើក ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍៨នាក់ (យប់៥នាក់) ។

របាយការណ៍ ដដែលបន្តថា គ្រោះថ្នាក់នៅលើដងផ្លូវ រួមមាន  ផ្លូវជាតិ ចំនួន៤លើក  និងផ្លូវខេត្ត-ក្រុង ចំនួន១លើក ដោយឡែកយានយន្តដែលបង្កហេតុ រួមមាន ម៉ូតូ ២លើករថយន្តធុនតូច ១លើក និងរថយន្តធុនធំ ២លើក ។ ខេត្ត/រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ខេត្តកំពង់ចាម ១លើក ស្លាប់ ៣នាក់ របួស ១នាក់  និងរាជធានីភ្នំពេញ ១លើក ស្លាប់ ១នាក់។

របាយការណ៍ ដែលបានបន្ថែមទៀតថា លទ្ធផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុបទូទាំងប្រទេសមាន ចំនួន ២៨៣៤គ្រឿង ក្នុងនោះបានធ្វើការអប់រំចំនួន ៨៩៣គ្រឿង និងពិន័យសរុប ចំនួន ១៩៤១គ្រឿង។នេះបើយោងតាមរបាយការណ៍ពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិ ចេញផ្សាយ កាលពីថ្ងៃទី៨ ខែកញ្ញា ឆ្នាំ២០១៦នេះ៕

គ្រោះថ្នាក់ចរាចរ (3)

គ្រោះថ្នាក់ចរាចរ (2)

គ្រោះថ្នាក់ចរាចរ (6)

គ្រោះថ្នាក់ចរាចរណ (1)