ភ្នំពេញ: មកដល់ពេលនេះ អនុវត្តតាមផែនការដោះស្រាយបព្ហាទឹកភ្លៀងជន់លិច ក្នុងរយ:ពេល៣ឆ្នាំមកនេះ រដ្ឋបាលរាជធានីភ្នំពេញ បានដាក់បណ្តាញលូស្តង់ដារខ្នាតធំសរុបប្រវែង ១៨០គីឡូម៉ែត្រ ដែលធ្វើឲ្យតំបន់ធ្លាប់លិចលង់ ដោះស្រាយបានជោគជ័យ ហើយក៏ទទួលបានការកោតសរសើរពីប្រជាពលរដ្ឋយ៉ាងខ្លាំងផងដែរៗ។
បើតាមមន្ត្រីរដ្ឋបាលរាជធានីភ្នំពេញ បានឲ្យដឹងថា ក្នុងផែនការដោះស្រាយបព្ហាទឹកភ្លៀងជន់លិច ក្នុងរយ:ពេល៣ឆ្នាំមកនេះ រដ្ឋបាលរាជធានីភ្នំពេញ បានដាក់បណ្តាញលូស្តង់ដារខ្នាតធំសរុបប្រវែង ១៨០គីឡូម៉ែត្រដែលធ្វើឲ្យតំបន់ធ្លាប់លិចលង់ ត្រូវបានដោះស្រាយ។
មន្ត្រីដដែលបានឲ្យដឹងទៀតថា ជាក់ស្តែងក្នុងរយ:ពេល ៤ខែកន្លះនៃរដូវវស្សានេះ យើងសង្កេតឃើញថា ទីតាំងដែលធ្លាប់លិចទឹកចំនួន២៥ទីតាំង ត្រូវបានដោះស្រាយមិនលិចលង់ ឬកាត់បន្ថយការលិចលង់ បានជោគជ័យ ក្នុងនោះរួមមាន ទី១តំបន់មុខព្រះបរមរាជវាំង ទី២តំបន់ផ្លូវហ្សាលដឺហ្គោល ទី៣តំបន់ផ្សារទួលទំពូង ទី៤តំបន់មុខស្ថានទូតចិន ទី៥តំបន់ស្តុបម៉ុងឌីយ៉ាល់ ទី៦តំបន់ភ្លើងស្តុបផ្សារដេប៉ូ ទី៧តំបន់មហាវិថីកម្ពុជាក្រោម ទី៨តំបន់ជុំវិញវត្តភ្នំ ទី៩តំបន់ផ្លូវលេខ៤៧ ទី១០តំបន់ផ្សារកណ្តាល ទី១១តំបន់ផ្លូវលេខ១៩ ក្រោយព្រះបរមរាជវាំង ទី១២តំបន់ផ្សារមាន់អាំង ទី១៣តំបន់មុខវិទ្យាល័យឥន្ទ្រទេវី ទី១៤តំបន់ផ្លូវលេខ៦៣ ទី១៥តំបន់ព្រឹទ្ឋសភា ទី១៦តំបន់រង្វង់មូលសំពៅមាស ទី១៧តំបន់ផ្សារអូរឫស្សី ទី១៨តំបន់ផ្លូវសុខហុក ទី១៩តំបន់ភ្លើងស្តុបវត្តមហាមន្ត្រី ទី២០តំបន់ផ្លូវលេខ២០០៤ ស ឡា ទី២១តំបន់ផ្លូវលេខ១៩៨៦ ទី២២តំបន់ផ្លូវវេងស្រេង ទី២៣តំបន់ផ្លូវលេខ៩០ ទី២៤តំបន់ផ្លូវលេខ៩២ និងទី២៥តំបន់មហាវិថីព្រះមុនីវង្ស មុខពេទ្យកាលម៉ែត្រ មុខសាកលវិទ្យាល័យសុខាភិបាល។
មន្ត្រីដដែលបានបញ្ជាក់ថា នៅចុងខែកញ្ញា នេះ ការដ្ឋានសាងសង់ស្ថានីយ៍បូមទឹកថ្មីចំនួន ៣កន្លែង គឺស្ថានីយ៍បូមទឹកបឹងត្របែក ទួលគោកទី១ ទួលគោកទី២ នឹងដាក់ឲ្យដំណើរការបូមទឹក ដែលនឹងធ្វើឲ្យប្រសិទ្ឋិភាពដោះស្រាយទឹកលិចកាន់តែល្អប្រសើរ ៕
មតិយោបល់