Post News Media ព័ត៌មានជាតិ លោក សក់ សេដ្ឋ...

លោក សក់ សេដ្ឋា ជំរុញឲ្យអាជ្ញាធរ ថ្នាក់ក្រោមខំធ្វើការងារឲ្យបានល្អប្រសើរ

បន្ទាយមានជ័យ: លោក សក់ សេដ្ឋា រដ្ឋលេខាធិការក្រសួងហាផ្ទៃ បានលើកឡើង ជំរុញឲ្យអាជ្ញាធរថ្នាក់ក្រោមជាតិត្រូវខិតខំបំពេញកិច្ចការងារ​របស់ខ្លួន​ឲ្យបានល្អប្រសើរឡើងទាំងផ្នែកបច្ចេកទេសជំនាញ និងបម្រើសេវាកម្មជូនពលរដ្ឋ ប្រកបដោយឆន្ទ:ខ្ពស់ ។

លោកពិនិត្យឃើញថា មន្ត្រីអាជ្ញាធរថ្នាក់ក្រោមជាតិធ្វើការងារកន្លងមកមិនទាន់មានប្រសិទ្ធភាពនៅឡើយនោះទេ នៅខ្វះចន្លោះ មានភាពមិនប្រក្រតី បង្ករាំងស្ទះស្មុគ​ស្មាញប៉ះ​ពាល់សតិអារម្មណ៍ប្រជាពលរដ្ឋនៅឡើយ និងនៅតែបន្តរងការរិះគន់ពីប្រជាពលរដ្ឋ។លោកលើកឡើងទៀតថា ភាពមិនប្រក្រតីដូចជា ការធ្វើរបាយការណ៍ទៅថ្នាក់លើមាន​ភាពយឺតយ៉ាវ របាយការណ៍ខ្លះធ្វើខុសបែបទរដ្ឋបាល គ្មានគុណភាព ការធ្វើលិខិតអត្រានុកូលដ្ឋានជូនពលរដ្ឋយឺតយ៉ាវ ដោយមានការកាក់ទុកក្រដាសលិខិតអត្រានុកូល​ដ្ឋានត្រឹមខេត្ត ស្រុក ឃុបខិតគ្នាដេញគម្រោងធ្វើផ្លូវ មិនប្រក្រតី ការតែងតាំងមុខងារ ឋានន្តរសក្តិ មន្ត្រីនិយមបក្ខពួក និងបញ្ហាជាច្រើនទៀត ដែលធ្វើរាំងស្ទះនិងបង្កឲ្យ​ប៉ះពាល់ ដល់ការអនុវត្តគោលនយោបាយកែទម្រង់របស់រាជរដ្ឋាភិបាលកម្ពុជា។

លោកក៏បានព្រមានធ្វើការដាក់វិន័យដល់មន្ត្រីដែលរកឃើញថាអនុវត្តការងារមិនបានត្រឹមត្រូវតាមវិជ្ជាជីវ:របស់ខ្លួននិងពិនិត្យទៅលើផ្លូវច្បាប់ទៀតផង។ការថ្លែងខាង​លើ​បានធ្វើ​ឡើងក្នុងឱកាសអញ្ជើញចូលរួមជាគណ:អធិបតី ប្រកាសតែងតាំង លោក ឈើយ ចាន់ណា ពីប្រធានមន្ទីរអប់រំខេត្ត ជាអភិបាលរងខេត្តបន្ទាយមានជ័យ ប្រារព្ធធ្វើឡើងនៅ​ព្រឹកថ្ងៃទី៩ ខែកញ្ញា ឆ្នាំ២០១៦ នៅសាលាខេត្តបន្ទាយមានជ័យ។

លោក សក់ សេដ្ឋា រដ្ឋលេខាធិការក្រសួងហាផ្ទៃ ក៏បានជម្រុញឲ្យអាជ្ញាធរនិងសមត្ថកិច្ចបន្តបង្ការទប់ស្កាត់បង្រ្កាបបទល្មើសគ្រឿងញៀន ដែលកំពុងចរាចរណ៍​ពីទី​ក្រុង​រហូតដល់ជនបទ ពង្រឹងការអនុវត្តច្បាប់ចរាចរណ៍ ដើម្បីកាត់បន្ថយគ្រោះថ្នាក់ចរាចរណ៍ និង វិធានការបង្ការទប់ស្កាត់អំពើលួចឆក់ប្លន់ ដែលជាក្តី​កង្វល់របស់​ប្រជាពល​រដ្ឋ ៕

រដ្ឋលេខាធិការ

រដ្ឋលេខាធិការ

រដ្ឋលេខាធិការ

រដ្ឋលេខាធិការ

រដ្ឋលេខាធិការ

រដ្ឋលេខាធិការ

រដ្ឋលេខាធិការ

រដ្ឋលេខាធិការ