ផ្ទះ ព័ត៌មានជាតិ តារាល្បីៗកើនជ...

តារាល្បីៗកើនជិត១០០នាក់ ក្នុងព្រឹត្តិការណ៍ដើរលើកម្រាលព្រំ

0

ភ្នំពេញ: ចាត់ទុកជារឿងភ្ញាក់ផ្អើលដែលព្រឹត្តិការណ៍ដើរលើកម្រាលព្រំទ្រង់ទ្រាយធំរបស់សាកលវិទ្យាល័យន័រតុន ត្រូវបានអ្នករៀបចំកម្មវិធីអះអាងថាកើនដល់ជិត១០០នាក់ ដែលស្ម័គ្រចិត្តបង្ហាញខ្លួនសម្រាប់ព្រឹត្តិការណ៍រៃអង្គាសថវិកាជួយដល់មន្ទីរពេទ្យគន្ធបុប្ផានៅនៅល្ងាចថ្ងៃទី១៧ កញ្ញាស្អែក។ តារាទាំងនោះក្រៅពីស្ម័គ្រចិត្តច្រៀងរាំ ស្ម័គ្រចិត្តដើរម៉ូដ និងស្ម័គ្រចិត្តកាន់ហិបរៃអង្គាសថវិកាដើម្បីជាប្រយោជន៍ដល់មន្ទីរពេទ្យគន្ធបុប្ផា ក៏មានតារាល្បីៗស្ម័គ្របង្ហាញខ្លួននៅលើកម្រាលព្រំដើម្បីឲ្យសិស្សនិស្សិតបានថតរូបជាមួយនៅក្នុងព្រឹត្តិការណ៍នោះផងដែរ។

លោក ផាត់ តារារដ្ឋ ស្ថាបនិកGroup «គ្រួសារតារាកម្ពុជា» និងជាអ្នករៀបចំព្រឹត្តិការណ៍សិល្ប:សម្រាប់វេទិកាដើរលើកម្រាលព្រំនៅថ្ងៃទី១៧ កញ្ញា នៅបរិវេណសាកលវិទ្យាល័យន័រតុន បានអះអាងថាយោងតាមតារាងកម្មវិធីចុងក្រោយ តារាសិល្ប:ដែលនឹងបង្ហាញខ្លួននៅក្នុងព្រឹត្តិការណ៍នេះនឹងអាចឈានដល់រង្វង់១០០នាក់ ដោយសារតែក្រៅពីតារាចម្រៀង តារាម៉ូដែល និងតារាដែលត្រូវកាន់ហិបនៅលើកម្រាលព្រំ គឺមានតារាសិល្ប:ល្បីៗឈ្មោះ ដែលក្នុងនោះរួមមានផលិតករផង ក៏បានប្រកាសថានឹងបង្ហាញខ្លួននៅល្ងាចថ្ងៃស្អែកផងដែរ។ លោកថាប្រសិនបើកម្មវិធីនោះមិនមានការរំខានដោយភ្លៀង នោះតារាសិល្ប:ដែលបានគ្រោងទុកនឹងមានចំនួនកុះករ ហើយក៏នឹងក្លាយជាព្រឹត្តិការណ៍សប្បុរសធម៌ដើម្បីមន្ទីរពេទ្យគន្ធបុប្ផាលើកទី១ ដែលមានតារាសិល្ប:ល្បីៗស្ម័គ្រចិត្តចុះជួយដើម្បីឲ្យមានភាពអ៊ូរអរផងដែរ។ លោកថានៅក្នុងព្រឹត្តិការណ៍ច្រៀងរាំ និងដើរលើកម្រាលព្រំមិនធ្លាប់មាននៅសាកលវិទ្យាល័យន័រតុននេះរួមមានតារាចម្រៀងមកពីផលិតកម្មចម្រុះគ្នាជួយច្រៀងដោយឥតគិតថ្លៃចំនួនជាង១០រូប និងតារាសម្ដែង តារាកំប្លែងរហូតដល់ជាង៣០រូបស្ម័គ្រចិត្តជួយដល់កម្មវិធី។

ចំនួននេះនៅមិនទាន់រាប់បញ្ចូលតារាកិត្តិយសដែលបានប្រកាសថានឹងចូលរួមដូចជា លោក សុះ ម៉ាច អ្នកនាងស្វែង សុជាតា អ្នកនាងកែវ ពេជ្រពិសី លោកកុយ ស៊ីឌឿន លោកបញ្ញា សិទ្ធ កញ្ញាថន ស្រីណៃ កញ្ញាប៉ុបពី លោកម៉េង ប៊ុនលី លោកហម ឈរ៉ា កញ្ញាហេង ស្រីពេជ្រ តារាសម្ដែង ង៉ែត សុវណ្ណលីតា អ្នកនាងចាន់ សុផានី លោកវីជេអាឡាស្កូ និងតារាជាច្រើនរូបទៀតដែលសុទ្ធតែបានបញ្ជាក់ថានឹងចូលរួមនៅឡើយផង។ លោកថាព្រឹត្តិការណ៍នេះ តារាចម្រៀង និងតារាសម្ដែងទាំងអស់ នឹងត្រូវកំណត់ឲ្យចេញច្រៀង និងដើរម៉ូដនៅលើកម្រាលព្រំដែលមាននិស្សិត និងមហាជនឈរអមសងខាងព្រំយ៉ាងវែង ហើយឆ្ពោះទៅកាន់ឆាកតន្ត្រីទំហ៊ំ១០ម៉ែត្រ ដែលត្រូវរៀបចំដេគ័រដោយ P Enter នៅក្នុងពិធី។ លោកថាតារាទាំងអស់ត្រូវបានបង្ហាញខ្លួននៅលើកម្រាលព្រំ ដោយអាចប៉ះដៃ និងថតសែលហ្វីជាមួយជាមួយអ្នកគាំទ្រយ៉ាងច្រើនកុះករយ៉ាងកម្រ ដែលមិនខុសពីការរំលេចភាពជិតស្និទ្ធិរវាងតារាល្បីៗ និងអ្នកគាំទ្រនោះឡើយ។ ព្រឹត្តិការណ៍នេះក៏នឹងត្រូវកំណត់ឲ្យអ្នកចូលរួមមានក្រមាជាប់ខ្លួន និងគម្រោងរាំ លេងរវាងតារា និងអ្នកចូលរួមនៅលើកម្រាលព្រំរួមគ្នាផងដែរ។

លោក តារារដ្ឋ បញ្ជាក់ថា បទញាក់ល្បីៗរួមមាន«រាំញីកែងជើង» និងបទជាច្រើនទៀតនឹងត្រូវបានច្រៀងបង្ហាញដោយម្ចាស់បទដោយផ្ទាល់ ខណ:ដែលតារាសិល្ប:ដែលស្ថិតនៅលើកម្រាលព្រំ ក៏ជាអ្នកបំផុសឲ្យមានអ្នកទស្សនាធ្វើការបរិច្ចាគជួយដល់មន្ទីរពេទ្យគន្ធបុប្ផាបន្ថែមពីលើបង្ហាញភាពជិតស្និទ្ធ។ ព្រឹត្តិការណ៍នេះក៏ត្រូវរំពឹងថា នឹងទទួលបានចំណូលច្រើនដើម្បីជួយដល់មន្ទីរពេទ្យគន្ធបុប្ផាផងដែរ ដោយសារតែការបរិច្ចាគ ការទិញផលិតផលមួយចំនួនដែលដាក់លក់តាមស្ដង់ និងការតាំងស្ដង់ជាដើម គឺត្រូវបាននិស្សិតពេទ្យ និងសាកលវិទ្យាល័យន័រតុនទាំងមូលប្រកាសថា មិនប្រើដើម្បីទូទាត់ចំណាយ ដូចកម្មវិធីសប្បុរសទូទៅ៕

photo_2016-09-15_23-22-33 photo_2016-09-15_23-53-43 photo_2016-09-15_23-22-36 photo_2016-09-15_23-22-38 photo_2016-09-15_23-22-42 photo_2016-09-15_23-22-44 photo_2016-09-15_23-22-46 photo_2016-09-15_23-22-50 photo_2016-09-15_23-22-52 photo_2016-09-15_23-22-54 photo_2016-09-15_23-22-58 photo_2016-09-15_23-23-00 photo_2016-09-15_23-23-02 photo_2016-09-15_23-23-04 photo_2016-09-15_23-23-07 photo_2016-09-15_23-24-01 photo_2016-09-12_21-55-02 photo_2016-09-12_21-55-06 photo_2016-09-12_21-55-08 photo_2016-09-12_21-55-10 photo_2016-09-12_21-55-12 photo_2016-09-12_21-55-14 photo_2016-09-12_21-55-17 photo_2016-09-12_21-55-19 photo_2016-09-12_21-55-21 photo_2016-09-12_21-55-24 photo_2016-09-12_21-55-26 photo_2016-09-12_21-55-28 photo_2016-09-12_21-55-31 photo_2016-09-12_21-55-33 photo_2016-09-12_21-55-36 photo_2016-09-12_21-55-38 photo_2016-09-12_21-55-41 photo_2016-09-12_21-55-43 photo_2016-09-12_21-55-46 photo_2016-09-12_21-55-49 photo_2016-09-12_21-55-51 photo_2016-09-12_21-55-54 photo_2016-09-12_21-55-56 photo_2016-09-12_21-55-59 photo_2016-09-12_21-56-01 photo_2016-09-12_21-56-04 photo_2016-09-12_21-56-06 photo_2016-09-12_21-56-09 photo_2016-09-12_21-56-11 photo_2016-09-12_21-56-13 photo_2016-09-12_21-56-16 photo_2016-09-12_21-56-18 photo_2016-09-12_21-56-21 photo_2016-09-12_21-56-23 photo_2016-09-12_21-56-25 photo_2016-09-12_21-56-27 photo_2016-09-12_21-56-30 photo_2016-09-12_21-56-32 photo_2016-09-12_21-56-35 photo_2016-09-12_21-56-38 photo_2016-09-12_21-56-46 photo_2016-09-12_21-56-48 photo_2016-09-12_21-56-52 photo_2016-09-12_21-56-55 photo_2016-09-12_21-56-57 photo_2016-09-12_21-57-04 photo_2016-09-12_21-57-07 photo_2016-09-12_21-57-09 photo_2016-09-12_21-57-12 photo_2016-09-12_21-57-15 photo_2016-09-12_21-57-17 photo_2016-09-12_21-57-20 photo_2016-09-12_21-57-22 photo_2016-09-12_21-57-24 photo_2016-09-12_21-57-26 photo_2016-09-12_21-57-29 photo_2016-09-12_21-57-31

មតិយោបល់