ភ្នំពេញ: នារីម្នាក់បានបែកពពុះមាត់ទន់ដៃទន់ជើង ដោយសារនាងខឹងសង្សារហើយផឹកថ្នាំ ប៉ារ៉ាសេតាម៉ុលជាច្រើនគ្រាប់ ធ្វើឲ្យមានការភ្ញាក់ផ្អើលដល់ប្រជាពលរដ្ឋជួយហៅក្រុមសង្គ្រោះ៧១១ មកសង្គ្រោះទាន់ពេល។ ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង ៧និង១០នាទីយប់ថ្ងៃទី ១៩ កញ្ញា ២០១៦នៅ ចំណុចផ្លូវផ្ទះល្វែងជម្ពូវ័ន ក្រោយហាងថតរូបល្អពេញចិត្ត ភូមិព្រៃព្រីងខាងជើង សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ ។
នារីមានវិបត្តផ្លូវចិត្តរូបនេះ ពុំមាននរណាស្គាល់អាស័យដ្ឋាននិងឈ្មោះរបស់នាងនៅឡើយនោះទេ ។
បើតាមប្រភពពីកន្លែងកើតហេតុបាន ឲ្យដឹងថានៅមុនពេលកើតគេបានឃើញនារីរងគ្រោះ មិនដឹងមកពីណានោះទេ ដើរមកជាលក្ខណ:មនុស្សដែលគ្មានកម្លាំងកំហែង ឃើញដូច្នេះសន្តិសុខក្នុងបុរីជម្ពូវ័ន នឹងប្រជាពលរដ្ឋបានគ្រៀរនាងឲ្យអង្គុយលើកៅអី ស្រាប់តែនាងយកដៃច្របាច់ក ហើយមាត់នាងបានបែកចេញពពុះមាត់ ធ្វើឲ្យមនុស្សម្នារចោមរោមមើលភ័យ និងបានរាយការណ៍ទៅកាន់សមត្ថកិច្ចប៉ុស្តិ៍ចោមចៅដើម្បីចុះមកពិនិត្យ និងបានអន្តរាគមន៍ហៅក្រុមសង្គ្រោះបន្ទាប់ ៧១១ កងពល តូច៧០ មកសង្គ្រោះធ្វើចលនានិងដាក់អ៊ុកសែន ឲ្យនាងទាន់ពេលវេលា និងបានដឹកនារីរងគ្រោះទៅលាងក្រពះនៅមន្ទីរពេទ្យព្រះកុសុម: និងចាំនាងស្រួលខ្លួនបានទាក់ទៅក្រុមគ្រួសារមកទទួលនាងត្រឡប់ទៅវិញ ។
បើតាមបញ្ជាក់ពីក្រុមជំនាញរបស់អង្គភាព៧១១ ដែលមកពីប្រទេសជប៉ុនបានប្រាប់ ឲ្យដឹងថានាងរងគ្រោះខាងលើបានផឹកថ្នាំប៉ារ៉ាសេតាម៉ុលអស់ជាច្រើនគ្រាប់ តែត្រូវសង្គ្រោះទាន់មិនដូច្នេះទេប្រហែលអាចគ្រោះថា្នក់ដល់ជីវិតហើយ ៕
//youtu.be/2BXXB0FceRE
មតិយោបល់