Post News Media ព័ត៌មានជាតិ សមត្ថកិច្ចបញ្...

សមត្ថកិច្ចបញ្ជូនខ្លួនជនដៃដល់បានចាក់សម្លាប់មនុស្សពេលកំពុងរាំវង់ ទៅកាន់តុលាការ

កំពង់ឆ្នាំង: យុវជនដៃដល់ម្នាក់ ក្រោយពីផឹកទឹកប្តូរនិស្ស័យ រហូតដល់ស្រវឹងធ្វើសកម្មភាពបានកូនកាំបិតកៃ ទៅចាក់លើមនុស្សចំនួន៣នាក់ មានម្នាក់ស្លាប់ និង២នាក់ទៀតរងរបួស ត្រូវបានកម្លាំងនគរបាលព្រហ្មទណ្ឌកម្រិតធ្ងន់នៃ ស្នងការដ្ឋាននគរបាលខេត្តកំពង់ឆ្នាំង ធ្វើការចាប់ឃាត់ខ្លួន កាលពីល្ងាចថ្ងៃទី១៩ ខែកញ្ញា ឆ្នាំ២០១៦ ហើយត្រូវបានសមត្ថកិច្ចកសាងសំណុំរឿងបញ្ជូនខ្លួនទៅតុលាការខេត្ត នៅរសៀលថ្ងៃទី២១ ខែកញ្ញា ឆ្នាំ២០១៦នេះ។

លោកវរ:សេនីយ៍ទោ ឌុច ចម្រើន នាយការិយាល័យនគរបាលព្រហ្មទណ្ឌកម្រិតធ្ងន់នៃ ស្នងការដ្ឋាននគរបាលខេត្ត នៅព្រឹកថ្ងៃទី២១ ខែកញ្ញា ឆ្នាំ២០១៦ បានធ្វើការបង្ហាញ​មុខជនល្មើសជាសាធារណ: បានឲ្យដឹងថា ជនសង្ស័យខាងលើនេះ មានឈ្មោះ ផៃ សារុន អាយុ១៧ឆ្នាំ ស្នាក់នៅក្នុងភូមិកំពង់ត្រឡាចលើ ឃុំកំពង់ត្រឡាច ស្រុកកំពង់​ត្រឡាច ។ នៅវេលាម៉ោង៨ព្រឹកថ្ងៃទី១៨ ខែកញ្ញា ឆ្នាំ២០១៦ ជនសង្ស័យបានផឹកស្រាថ្នាំជាមួយបងប្រុសបង្កើតរបស់ខ្លួនឈ្មោះ កុយ អស់ស្រា១លីត្រកន្លះ រហូតដល់​វេលា​ម៉ោង១០ព្រឹក ពេលស្រវឹងហើយនោះ ជនសង្ស័យបានដើរទៅ ដល់ក្លោងទ្វារវត្ត រួចបង្ករជម្លោះជាមួយយុវជនឈ្មោះ សំ ចេង និងបានដកកូនកាំបិតកៃ ដែលខ្លួនបាន​លាក់ទុកក្នុងអាវ មកចាក់ចំកែងដៃឈ្មោះ សំ ចេង បណ្តាលឲ្យរបួសស្រាល ហើយក៏បានមកដេកនៅផ្ទះវិញ។

លុះដល់ម៉ោង២រសៀល ជនសង្ស័យបានទៅលេងក្នុងវត្តកំពង់ត្រឡាចលើ ដែលគេដាក់បិណ្ឌ លេងរាំវង់ ក្នុងពេលនោះ បានផឹកស្រា ជាបន្តបន្ទាប់អស់ច្រើនទៀត។ រហូត​ដល់វេលាម៉ោង១០យប់ ពេលគេចាក់បទញាក់ ជនសង្ស័យក៏បានចូលរាំ ញាក់ជាមួយគេឯង។ ក្នុងពេលនោះក្នុងវង់រាំក៏មានការវាយតប់គ្នាជាច្រើនគូរ ហើយពេល​គេវាយ​មកលើខ្លួន ជនសង្ស័យក៏បានដកកាំបិតកៃចាក់តបគេវិញតែម្តងរហូត បណ្តាលឲ្យយុវជនរងគ្រោះឈ្មោះ ជឿ ន សុខមឿន ហៅបឿន អាយុ១៦ ស្លាប់ ដោយគេចាក់​ត្រូវចំពោះ១កាំបិត និងចំខ្នង បោះដៃផុតធ្លាយដល់សួត១កាំបិតស្លាប់នៅកន្លែងកើតហេតុ និងចាក់ចំយុវជនឈ្មោះ អ៊ិត សុខជា អាយុ១៩ឆ្នាំ រស់នៅភូមិជំទាវសុខ ឃុំច្រេស របួសធ្ងន់ចំ ស្លាបប្រចៀវក្រោយខ្នង២កាំបិត។ក្រោយពេលកើតហេតុសមត្ថកិច្ចបានធ្វើការស៊ើបអង្កេតស្រាវជ្រាវយ៉ាងយកចិត្តទុក ដាក់ទើបឈានដល់ការចាប់​ខ្លួន​ជនសង្ស័យបាន ។

បច្ចុប្បន្នជនសង្ស័យ និងវត្ថុតាងកាំបិតកៃ ត្រូវបានសមត្ថកិច្ចជំនាញកសាងសំណុំរឿងតាមនីតិវិធី បញ្ជូនខ្លួនទៅកាន់តុលាការខេត្តនៅរសៀលថ្ងៃទី២១ ខែកញ្ញា ឆ្នាំ២០១៦​នេះ ដើម្បីផ្តន្ទាទោសតាមនីតិវិធីច្បាប់ ៕

ចាក់សម្លាប់មនុស្ស

ចាក់សម្លាប់មនុស្ស

ចាក់សម្លាប់មនុស្ស

ចាក់សម្លាប់មនុស្ស

ចាក់សម្លាប់មនុស្ស

ចាក់សម្លាប់មនុស្ស

ចាក់សម្លាប់មនុស្ស

ចាក់សម្លាប់មនុស្ស