Post News Media ព័ត៌មានជាតិ គ្រាន់តែអាស្ទ...

គ្រាន់តែអាស្ទាវមួយក្បាលសោះផ្អើលស្រីស្អាតពីរភូមិមកតាម

មណ្ឌលគិរី: ការតាមប្រមាញ់សត្វដំរីដែលបានវ័ធសម្លាប់ហ្មរបស់វាកាលពីប៉ុន្មានថ្ងៃមុននេះ រហូតនៅព្រឹកថៃ្ងទី២១ ខែកញ្ញា ឆ្នាំ២០១៦នេះ ត្រូវបាន លោក ឃុន ឌីយូន ជាប្រធានអង្កការអភិរក្សសត្វដំរីញីប្រចាំខេត្តមណ្ឌលគិរីសហការជាមួយសមត្ថកិច្ច បានមានគំនិតមួយគឺតម្រូវឲ្យប្រមូលដំរីញីប្រាំក្បាល មកជាធ្នាក់ដើម្បីចូលទាក់អាឈ្មោលវិញនេះ ជាវិធីសាស្រ្តតែមួយដែលងាយស្រួលផង។

ចំណែកកម្លាំងសមត្ថកិច្ចរួមមានយោធា និងនគរបាល ត្រូវបានពង្រាយតាមបណ្ដោយផ្លូវចាប់ពីផ្លូវបំបែកភូមិពូលូង រហូតដល់ទីរួមស្រុកពេជ្រាដា ដើម្បីការពារសុវត្ថិភាពជូនពលរដ្ឋ ដែលធ្វើដំណើរឆ្លងកាត់ទីនោះ។ លោកបាននិយាយទៀតថា សត្វដំរីឈ្មោលមួយក្បាលដ៏សាហាវនោះ បានរត់ចូលព្រៃក្បែរៗដងផ្លូវជិតៗនេះ ហើយវាកំពុងកៀងដំរីញីទៅជាមួយផងដែរ ។

លោកនួន សារ៉ន អភិបាលស្រុកពេជ្រាដា បានឲ្យដឹងដែរថា អាជ្ញាធរស្រុកបានពង្រាយកម្លាំងមានសមត្ថកិច្ចចាប់ពីផ្លូវបំបែក ក្នុងភូមិពូលូង រហូតដល់ភូមិស្រែអំពូង មិនឲ្យពលរដ្ឋ ឬភ្ញៀវទេសចរ ឆ្លងកាត់តាំងពីល្ងាចមិញមកម្ល៉េះដើម្បីការពារសុវត្ថិភាពដល់អ្នកឆ្លងកាត់តាមផ្លូវមួយនេះ ក៏ដូចធានាសុវត្ថិភាពជូនដល់ភ្ញៀវទេសចរជាតិនិងអន្តរជាតិ ដែលចូលមកកម្រាន្តនៅតំបន់នេះ។

ដោយប្រើអស់រយ:ពេលជាច្រើនម៉ោង គិតត្រឹមរសៀលថ្ងៃទី២១ កញ្ញានេះ កម្លាំងចម្រុះស្រុកពេជ្រាដា បានស្ទាក់ចាប់ដំរីមួយក្បាលនោះបានហើយ៕

photo_2016-09-21_15-25-24

photo_2016-09-21_15-25-19

photo_2016-09-21_15-25-20

ដំរីចុះប្រេង

ដំរីចុះប្រេង

ដំរីចុះប្រេង

ដំរីចុះប្រេង

ដំរីចុះប្រេង

ដំរីចុះប្រេង

ដំរីចុះប្រេង