ភ្នំពេញ: លោក គ្រីស្យង់ហ្គោគីឡាំងដេលីយែ ហៅ ប៉ាពី(Papy) អាយុ៨២ ឆ្នាំ ជាប្រធានអង្កការ ភាពញញឹមនៃកុមារ បានទទួលមរណ:ភាព ដោយរោគាពាធ នៅវេលាម៉ោ១៩:០០នាទីថ្ងៃទី២៤ ខែកញ្ញា ឆ្នាំ ២០១៦ នៅក្នុងអង្កការភាពញញឹមនៃកុមារ។
ការទទួលមរណ:ភាពរបស់លោកនេះ បានធ្វើឲ្យមានការសោកស្ដាយជាខ្លាំង ដោយសកម្មភាពមនុស្សធម៌ ជាច្រើនរបស់លោក បានជួយកុមារកម្ពុជារាប់ពាន់នាក់ ឲ្យចាកចេញពីគំនរសំរាមស្ទឹងមានជ័យ និងកុមារទាំងនោះឲ្យទទួលបានការសិក្សា អាហារ និងការស្នាក់នៅសមរម្យ ព្រមទាំងទទួលការបណ្តុះបណ្តាលវិជ្ជាជីវ:ថែមទៀត។
ក្នុងនោះដែរ លោក សេង សាញ់ ចៅសង្កាត់ ស្ទឹងមានជ័យ បានអញ្ជើញចូលរួមនៅមរណ:ទុក្ខ ចំពោះ លោក គ្រីស្យង់ហ្គោគីឡាំងដេលីយែ នៅក្នុងអង្កការភាពញញឹមនៃកុមារផងដែរ។
លោក គ្រីស្យង់ ហ្គោកឺឡាំង ដេប៉ាលីយ៉ែរ ជាជនជាតិបារាំង ហើយដោយសារតាមរយ:សកម្មភាព មនុស្សធម៌ជាច្រើនរបស់លោក ព្រះមហាក្សត្រកម្ពុជា បានប្រទានសញ្ជាតិខ្មែរជូនលោក។
សពលោកនឹងត្រូវតម្កល់ធ្វើបុណ្យតាមប្រពៃណី នៅក្នុងអង្គការដើម្បីភាពញញឹមនៃកុមារ ដែលមានអាសយដ្ឋានផ្ទះលេខ៤០២ ភូមិទ្រា សង្កាត់ស្តឹងមានជ័យ ខ័ណ្ឌមានជ័យ ភ្នំពេញ (ក្បែរផ្សាសឡា)។
គួរបញ្ជាក់ដែរថា សពនឹងត្រូវដង្ហែទៅកាន់វត្តឫស្សីសាញ់ នៅថ្ងៃច័ន្ទ ទី២៦ ខែកញ្ញា ឆ្នាំ២០១៦ វេលាម៉ោង១រសៀល។ អាស្រ័យដូចបានជម្រាបខាលើ ចាត់ទុកជាការយាងអញ្ជើញឯកឧត្តម លោកជំទាវ អ្នកឧកញា លោក-លោកស្រី អ្នកនាង កញ្ញា ព្រមទាំងសិស្សានុសិស្សទាំងអស់ ដើម្បីចូលរួមគោរព វិញ្ញាណក្ខន្ធសពតាមការគួរ៕
មតិយោបល់