ខេត្តតាកែវ: កាលពីវេលាម៉ោង០៩និង៥០នាទីព្រឹកថ្ងៃទី០៨ ខែមិថុនា ឆ្នាំ២០១៩ លើផ្លូវលេខ២២ចន្លោះគីឡូម៉ែត្រលេខ០៨-០៩ ស្ថិតក្នុងភូមិអំពិល ឃុំលាយបូរ ស្រុកត្រាំកក់ ខេត្តតាកែវ មានករណីគ្រោះថ្នាក់ចរាចរណ៍ រវាងម៉ូតូ និងរថយន្ត ក្នុងទិសដៅបញ្ច្រាសគ្នា។

រថយន្តម៉ាកហ៊ីយ៉ាន់ដាយ ពណ៌ស គ្មានពាក់ស្លាកលេខ (អ្នកបើកបរគេចខ្លួនបាត់) ធ្វើដំណើរពីទិសខាងកើត មកដល់ចំណុចខាងលើ បានបុកម៉ូតូមួយគ្រឿង ម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ១i-៣៥២៥ បើកបរដោយឈ្មោះ ឈន គីមអេង ភេទប្រុស អាយុ៥៤ឆ្នាំ នៅភូមិព្រៃមោក ឃុំស្រែរនោង ស្រុកត្រាកក់ ខេត្តតាកែវ មុខរបរកសិករ (ស្លាប់នៅកន្លែងកើតហេតុ) មានឌុបប្រពន្ធឈ្មោះ ខឹម សារ៉ាន់ អាយុ៤៨ឆ្នាំ មុខរបរកសិករ (របួសធ្ងន់) ដែលបើកបរមកពីទិសខាងលិច។

ក្រោយកើតហេតុ វត្ថុតាងខាងលើ ត្រូវបានយកមករក្សាទុក នៅអធិការដ្ឋាននគរបាលស្រុកត្រាំកក់ ដើម្បីចាត់ការតាមនិតិវិធី។ ចំណែកជនរងគ្រោះ បានបញ្ជូនទៅសង្គ្រោះ នៅមន្ទីរពេទ្យបង្អែកក្រុងដូនកែវ និងសព ត្រូវបានប្រគល់ជូនសាច់ញាតិ យកទៅធ្វើបុណ្យតាមប្រពៃណី៕