រតនគិរីៈ នៅព្រឹកថ្ងៃទី២៦ ខែកញ្ញា ឆ្នាំ២០១៦ នេះ លោក ថង សាវុន អភិបាលខេត្តរតនគិរី រួមជាមួយអភិបាលរងខេត្ត មន្ត្រីរាជការក្នុងខេត្ត បានអញ្ជើញរាប់បាត្រឆ្លងបិណ្ឌទី១០ នៃពិធីបុណ្យដាក់បិណ្ឌ និងភ្ជុំបិណ្ឌ នៅវត្តឥសាន្តរតនារាម ហៅវត្តភ្នំស្វាយ ក្រុងបានលុង ទៅតាមប្រពៃណីព្រះពុទ្ធសាសនា ។

នៅក្នុងពិធីនេះផងដែរ លោកបានប្រគេនបច្ច័យ និងទេយ្យទានមួយចំនួន ដល់ព្រះសង្ឃ ដើម្បីបញ្ជូនកុសលផលបុណ្យទៅដល់បុព្វការីជនដែលបានចែកឋានទៅកាន់បរលោក។

ពិធីបុណ្យភ្ជុំបិណ្ឌ គឺជាពិធីបុណ្យប្រពៃណីទំនៀមទម្លាប់ ព្រះពុទ្ធសាសនាដ៏ធំមួយដែលមានរយៈពេល១៥ថ្ងៃ គឺចាប់ពីថ្ងៃ១ រោច ខែភទ្របទ រហូតដល់ថ្ងៃ១៥រោច ខែភទ្របទ៕