Post News Media ព័ត៌មានជាតិ មន្ទីរសុខាភិប...

មន្ទីរសុខាភិបាល បើកយុទ្ធនាការបាញ់ថ្នាំសម្លាប់មូស ការពារការចំលងមេរោគនិងជំងឺហ្ស៊ីកា

ស្ទឹងត្រែង: មន្ទីរសុខាភិបាលខេត្តស្ទឹងត្រែង បើកយុទ្ធនាការ ចុះផ្សព្វផ្សាយ ផ្នែកអប់រំសុខភាព និងបាញ់ថ្នាំសម្លាប់មូស នៅក្នុងក្រុងស្ទឹងត្រែង ដើម្បីបង្ការកុំឲ្យមានជំងឺឆ្លង  និងការពារសុខភាព ខណ:មានប្រជាពលរដ្ឋព្រួយបារម្ភពីបញ្ហា ជំងឺគ្រុនចាញនិងគ្រុនឈាម ជាពិសេសជំងឺថ្មឺគឺជំងឺហ្ស៊ីកា ហើយមូសខ្លាជាភ្នាក់ងារចម្លងមេរោគនេះផងដែរ។

ប្រធានមន្ទីរសុខាភិបាលខេត្ត អ៊ុងសូវៀត បានបញ្ជាក់ថា ក្រុមការងារឆ្លើយតបបន្ទាន់នៃមន្ទីរសុខាភិបាល កាលពីថ្ងៃទី២៦ ខែកញ្ញា ម្សិលមិញនេះ បានបើកយុទ្ធនាការ បាញ់ថ្នាំសម្លាប់មូស ទៅតាមតំបន់ព្រៃ  ដែលសំបូរមូស និងទីជម្រកផ្សេងៗទៀតដើម្បីការពារកុំឲ្យកើតជំងឺឆ្លង ក៏ដូចជាជំងឺគ្រុនឈាម និងជំងឺឆ្លងថ្មីជំងឺហ្ស៊ីកា។

លោកបានអំពាវនាវឲ្យបងប្អូនប្រជាពលរដ្ឋរស់នៅគ្រប់មជ្ឈដ្ឋាន ចូលរួមលប់បំបាត់ជម្រកមូស ហើយបើមានផ្ទុះឡើងនូវជំងឺណាមួយ ត្រូវឆាប់ផ្តល់ព័ត៌មានទៅអាជ្ញាធរមូលដ្ឋាន និងមន្ត្រីសុខាភិបាល ដែលនៅជិតបំផុត ដើម្បីចៀស ពីការគ្រោះថ្នាក់ដោយសារជំងឺដែលកើតចេញពីមូសខ្លា មិនថា តែក្រុងស្ទឹងត្រែងទេ ស្រុកទាំងប្រាំនិងទីរួមខេត្តស្ទឹងត្រែង គឺសូមចូលរួមទាំងអស់គ្នា សំអាតអនាម័យ ឲ្យបានល្អនៅជុំវិញបរិវេន ផ្ទះរបស់យើង អញ្ចឹងយើងត្រូវលប់បំបាត់ និងសំអាតទាំងអស់គ្នា ជាប្រចាំដើម្បី ការពាកុំឲ្យមានជំងឺឆ្លងទាំងឡាយ ហើយជាពិសេសជំងឺថ្មី គឺជំងឺហ្ស៊ីកា។

លោក សូមឲ្យប្រជាពលរដ្ឋ បើមានអាការ: ក្តៅខ្លួន-រោគសញ្ញាលើស្បែក (ដូចជាស្នាមក្រហមអុចៗ) ឈឺសាច់ដុំ និងសន្លាក់ដៃជើង-ភ្នែកឡើងក្រហម អស់កំលាំងឈឺក្បាលមាន វិបត្តិផ្លូវរំលាយ អាហារ និងរោគសញ្ញាផ្សងៗ ត្រូវទៅពិគ្រោះយោបល់ជាមួយគ្រូពេទ្យជាបន្ទាន់៕

photo_2016-09-27_15-00-09

photo_2016-09-27_15-00-03

photo_2016-09-27_15-00-06

photo_2016-09-27_15-00-07