រតនគិរីៈ មុននេះបន្តិច មានករណីគ្រោះថ្នាក់ចរាចរណ៍រវាងរថយន្តម៉ាកតូយ៉ូតាហាយ៉ាស់ដឹកអ្នកដំណើរពីខេត្តរតនគិរីទៅភ្នំពេញ បានបុកជាមួយនឹងរថយន្តបែនចំក្បាលផ្នែកខាងឆ្វេង បណ្តាលឲ្យមនុស្ស២នាក់រងរបួសធ្ងន់។ ហេតុការណ៍នេះបានកើតឡើងនៅវេលាម៉ោង៧និង១០នាទីព្រឹកថ្ងៃទី២៩ ខែកញ្ញា ឆ្នាំ២០១៦ ស្ថិតនៅចំណុចទល់មុខពន្ធនាគាភ្នំស្វាយ ក្នុងភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី។
យោងតាមសាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញរថយន្ត ម៉ាកតូយ៉ូតាហាយ៉ាស់ ដឹកអ្នកដំណើររបស់ក្រុមហ៊ុន លីហេង មួយគ្រឿងពណ៌ស ពាក់ស្លាកលេខ ភ្នំពេញ2AB-8672 បើកបរដោយបុរសម្នាក់ក្នុងទិសដៅស្របទិសគ្នាជាមួយនឹងរថយន្តបែន ពណ៌ខៀវ លុះបានមកដល់ចំណុចកើតហេតុ រថយន្តបែនបានបត់មកឆ្វេងក្នុងបំណងចូលលាងឡាន សង្ស័យមិនបានកាច់ភ្លើងស៊ីញ៉ូ រថយន្តម៉ាកតូយ៉ូហាយ៉ាស់ដឹកអ្នកដំណើរមកពីក្រោយចាប់ហ្វ្រាំងមិនទាន់ជ្រុលទៅបុកយ៉ាងពេញទំហឹងតែម្តង ចំក្បាលចំហៀងរថយន្តបែន បណ្តាលឲ្យមនុស្ស២នាក់រងរបួសធ្ងន់ ត្រូវបានរថយន្តសារ៉ែន ពន្ធនាគាដឹកបញ្ជូនជនរងគ្រោះទៅឯមន្ទីពេទ្យបង្អែកខេត្តភ្លាមៗផងដែរ។
បច្ចុប្បន្ន រថយន្តទាំង២គ្រឿង ត្រូវបានសមត្ថកិច្ចនគរបាលចរាចរណ៍យកមករក្សាទុកនៅការិយាល័យនៃស្នងការរដ្ឋាននគរបាលខេត្តរង់ចាំដោះស្រាយនៅពេលក្រោយតាមផ្លូវច្បាប់ ៕
មតិយោបល់