Post News Media ព័ត៌មានជាតិ ទុស្សេខ្សែភ្ល...

ទុស្សេខ្សែភ្លើងនៅខាងមុខហាងលក់ម៉ូតូទល់មុខអូតែលស បង្ករឲ្យមានការភ្ញាក់ផ្អើល

ភ្នំពេញ: អគ្គិភ័យមួយបានឆាបឆេះឡើងផ្អើលផ្តើមចេញពីការទុស្សេខ្សែភ្លើងចេញពីប្រអប់បង្គោលភ្លើង ហ៊ុយផ្សែងទ្រលោម ផ្អើលអ្នកបុគ្គលិកក្នុងហាងលក់ម៉ូតូនាំគ្នាអូសម៉ូតូចេញមកក្រៅយ៉ាងព្រោងព្រាត ។ ហេតុការណ៍នេះបានកើតឡើងកាលពីវេលាម៉ោង ១០និង២០នាទី​ព្រឹកថ្ងៃទី ២៩ ខែកញ្ញា ឆ្នាំ២០១៦ ស្ថិតនៅចំណុចហាងលក់ម៉ូតូមួយកន្លែង ដែលមានទីតាំងទល់មុខនឹងអូតែលស ក្នុងសង្កាត់មនោរម្យ ខណ្ឌ៧មករា រាជធានីភ្នំពេញ ។

យោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេគឃើញមានផ្សែងហ៊ុយចេះពីប្រអប់បង្គោលភ្លើងដែលនៅ​ខាងមុខហា​ង​លក់ម៉ូតូខាងលើ បង្កឲ្យមានការភ្ញាក់ផ្អើលដល់ប្រជាពលរដ្ឋ អ្នកធ្វើដំណើរ រួមនឹងបុគ្គលិកក្នុងហាងម៉ូតូអ្នកខ្លះយកបំពង់ពន្លត់​អគ្គិភ័យមកធ្វើការ​បាញ់​ពន្លត់ អ្នកខ្លះទៀតអូសម៉ូតូចេញមកខាងក្រៅ ខ្លាចក្រែងទប់ស្ថានការណ៍មិនបាន ។ ប៉ុន្តែសំណាងល្អគឺអគ្គិភ័យខាងលើនេះបានរលត់ទៅវិញជាស្ថាពរ ដោយមិន​បណ្តាលឲ្យមានការឆាបឆេះរាលដាលដល់ហាងលក់ម៉ូតូឬក៏រាលដាលដល់ផ្ទះប្រជាពលរដ្ឋនោះឡើយ ៕