ពោធិ៍សាត់ៈ នៅថ្ងៃបុណ្យភ្ជុំធំនេះ មានគ្រោះថ្នាក់ចរាចរណ៍មួយបានកើតឡើងរវាងម៉ូតូសង់សេ១២៥ បុកជាមួយនឹងម៉ូតូរ៉ឺម៉ក បណ្តាលឲ្យភាគីទាំងពីររងរបួសធ្ងន់ស្រាលចំនួន ០៤នាក់។

ហេតុការណ៍នេះ បានកើតឡើងកាលពីវេលាម៉ោង ២ និង៣០នាទីរសៀល នៅចំណុចផ្លូវកែងអំពិលផ្អែម ភូមិបំណាក់ ឃុំឈើតុំ ស្រុកក្រគរ ខេត្តពោធិ៍សាត់។

សមត្ថកិច្ចបានឲ្យដឹងថា ជនរងគ្រោះដែលជាភាគីបង្កជិះគ្នាបីនាក់ ទី១.ឈ្មោះ ញ៉ាន តឿន អាយុ ២២ឆា្នំ ភេទប្រុស របួសស្រាល, ទី២ ញ៉ាន គន្ធា ភេទស្រី អាយុ ១៨ឆ្នាំ របស់ធ្ងន់ និងទី៣ឈ្មោះ រិន សុជា ភេទស្រី អាយុ ២១ឆ្នាំ អ្នកទាំងបីនាក់ជិះម៉ូតូ សេ១២៥ ពណ៌ខ្មៅ ឆ្នាំ២០១១ ពាក់ស្លាកលេខ ពោធ៍សាត់ ១C- ៧៧៩៩។

ចំណែកភាគីម៉ូតូរ៉ឺម៉កឈ្មោះ ឈៀង តារា ភេទប្រុស អាយុ ៣៥ឆ្នាំ រស់នៅខេត្តកំពង់ឆ្នាំង។ បច្ចុប្បន្នវត្ថុតាង ត្រូវបានរក្សាទុកនៅនៅប៉ុស្តិ៍ដើម្បីដោះស្រាយតាមនីតិវិធីច្បាប់៕