ស្វាយរៀង: បុរសដែលជាជនអនាថាម្នាក់ ធ្វើសកម្មភាពចាប់រំលោភសេពសន្ថេវ:ទៅលើក្មេងស្រីរងគ្រោះ អាយុ១២ឆ្នាំដែលមានសតិមិនសូវគ្រប់ បានសម្រេចរហូតដល់ទៅ៥ដង ទើបបែកធ្លាយរឿងរ៉ាវ ធ្វើឲ្យស្ត្រីជាម្តាយសម្រេចចិត្តទៅប្តឹងសមត្ថកិច្ចដើម្បីជួយរកយុត្តិធម៌ជូនកូនស្រីរបស់ខ្លួន តែបែជាគ្មានចំណាត់ការពីសមត្ថកិច្ចទៅលើបុរសខាងលើ ដោយសមត្ថកិច្ចបានប្រាប់មកម្តាយក្មេងស្រីរងគ្រោះថា ករណីនេះជារឿងស៊ើបអង្កេត មិនអាចចាប់ខ្លួនបានទេ រង់ចាំសមត្ថកិច្ចស្រាវជ្រាវរកសាក្សី និងភស្តុតាងមកដាក់បន្ទុកសិន ទៅវិញ!។
ដោយសារតែគ្មានចំណាត់ការពីសមត្ថកិច្ច ក្រុមគ្រួសារ និងប្រជាពលរដ្ឋ បានខកចិត្តយ៉ាងខ្លាំង ដោយបានស្វះស្វែងរកអ្នកសារពត៌័មាន ជួយអន្តរាគមន៍ចុះផ្សាយនាល្ងាច ថ្ងៃទី០៦ ខែតុលា ឆ្នាំ២០១៦នេះ ដើម្បីរកយុត្តិធម៌ជូនកូនស្រីដែលមានសតិមិនគ្រប់របស់គាត់ ។
ទាក់ទិនករណីចោទប្រកាន់នេះដែរ មន្រ្តីនគបាលឃុំក្រោលគោ បានឲ្យដឹងថា ក្រុមគ្រួសារកុមារីរងគ្រោះ បានចោទប្រកាន់បុរសអនាថា ម្នាក់ឈ្មោះ តា ហ៊ឹម អាយុ៧០ឆ្នាំ រស់នៅខាងមុខសាលាឃុំក្រោលគោ ស្រុកស្វាយជ្រុំ ដោយរាល់ថ្ងៃគាត់តែងតែដើរសុំទាននិ ងបោសសម្អាតសាលាឃុំ យកប្រាក់ទិញបាយហូប ដោយត្រូវបានស្ត្រីជាប្រពន្ធបានចោទប្រកាន់ថា បុរសរូបនេះបានធ្វើសកម្មភាពរំលោភសេពសន្ថេវ:ទៅលើកុមារីរងគ្រោះឈ្មោះ ទ.ស.ឃ អាយុ១២ឆ្នាំ សតិមិនសូវប្រកតី ស្នាក់នៅភូមិស្វាយចេកឃុំព្រៃឈ ស្រុកកំពង់ត្របែក ខេត្តព្រៃវែង (ភូមិស្វាយចេកនៅជិតព្រំប្រទល់ខេត្តស្វាយរៀង) កាលពីវេលាម៉ោង៣រសៀលថ្ងៃទី០៣ តុលា ឆ្នាំ២០១៦ នៅចំណុចខាងក្រោមគល់ស្ពានក្រោលគោ ប៉ែកខាងកើត ព្រំប្រទល់ខេត្តព្រៃវែង ស្វាយរៀងខាងលិចផ្សារក្រោលគោចម្ងាយជាង២០០ម៉ែត្រ។
សមត្ថកិច្ចបានបន្តថា រហូតមកដល់ថ្ងៃទី៤ តុលា ឆ្នាំ២០១៦វេលាម៉ោង៨ព្រឹកទើបម្តាយជនរងគ្រោះមកប្តឹង ប៉ុន្តែដោយសារតែគ្មានសាក្សី ឬភស្តុតាងអ្វីដើម្បីដាក់បន្ទុកជនសង្ស័យនោះឡើយ វាជារឿងស្រីប្រកាន់ប្រុសប្រកែក និងជារឿងស៊ើបអង្កេតសមត្ថកិច្ចមិនអាចចាប់ខ្លួនបានឡើយ។
ចំណែកក្រុមគ្រូពេទ្យនៃមន្ទីរពេទ្យខេត្តស្វាយរៀង ធ្វើកោសល្យវិច្ច័យវិញបានឲ្យដឹងថា កុមារីរងគ្រោះ ពិតជាមានដាច់សន្ទះព្រហ្មចារីពិតប្រាកដមែន ក៏ប៉ុន្តែ ពុំមែនទើបតែដាច់ថ្មីៗនោះទេគឺដាច់យូមកហើយ គ្រាន់តែមានសភាពហើមប្រដាប់ភេទប៉ុណ្ណោះនិងមិនទាន់បានចេញលិខិតបញ្ជាក់ការធ្វើកោសល្យវិច្ច័យឲ្យសមត្ថកិច្ចដែរ រហូតមកដល់ថ្ងៃទី០៦ តុលានេះដោយប្រាប់ថាកោសល្យវិច្ចយ័បើសមត្ថកិច្ចចង់បានត្រូវធ្វើសំណើរសុំ ទើបគ្រូពេទ្យចេញកោសល្យវិច្ច័យឲ្យ។
តែបើតាមស្រ្តីឈ្មោះ នេតមុំ អាយុ៥២ឆ្នាំ ត្រូវជាម្តាយកុមារីរងគ្រោះបានឲ្យដឹងថា កាលពីពេលកើតហេតុគាត់មិនបានដឹងនោះទេ គឺវេលាម៉ោង៦ល្ងាចថ្ងៃទី៣ តុលាទើបគាត់បានដឹងរឿងនេះ បន្ទាប់ពីឃើញកូនស្រីមានសភាពទ្រុឌទ្រោមនិងមានអាការ:ប្លែកៗ និងបានសួរនាំទៅកាន់កូនស្រី បានឲ្យដឹងថា តាហ៊ឹមនៅក្រោលគោ ចាប់រំលោភ នៅក្រោមស្ពានក្រោលគោ កាលពីម៉ោង៣រសៀល។ ក្មេងស្រីរងគ្រោះបាននិយាយទៀតថា តាហ៊ឹមបានចាប់រំលោភ ០៥លើកមកហើយ និងបានគំរាមថា បើហ៊ាននិយាយប្រាប់គេ គាត់និងសម្លាប់ចោល ទើបនាងមិនហ៊ាននិយាយប្រាប់។
មូលហេតុដែលកុមារីរងគ្រោះត្រូវ គេចាប់រំលោភ ដោយទី១មានសតិមិនសូវល្អ និងតែងតែដើរចេញពីផ្ទះមកផ្សារក្រោលគោ ដើម្បីសុំ លុយ អ្នកផ្សារទិញនំញ៉ាំ រីឯជនសង្សយ័ក៏ជាជនអានាថា ដើរសុំទាននៅផ្សារក្រោលគោដែរ និងជួយបោសសម្អាតសាលាឃុំក្រោលគោ។
បើតាមប្រភពព័ត៌មានពី ក្មេងប្រុសម្នាក់អាយុ៨ឆ្នាំ ស្នាក់នៅភូមិជាមួយកុមារីរងគ្រោះបាននិយាយប្រាប់សមត្ថកិច្ចថា នៅមុនពេលកើតហេតុរូបគេជិះកង់តាមផ្លូវជាតិលេខ១ដល់ចំណុចស្ពានក្រោលគោ បានឃើញ តាហ៊ឹម ជាជនសង្សយ័ដឹកដៃ កុមារីរងគ្រោះដើរចូលក្រោមស្ពាននោះ ក៏ប៉ុន្តែមិនដឹងថាធ្វើអីទេ ខ្លួនក៏បន្តជិះកង់ទៅផ្សារក្រោលគោដើម្បីរកទិញអីញ៉ាំ។
ទាក់ទងនឹងករណីនេះដែរ ក្រុមគ្រួសារកុមារីរងគ្រោះបាននិយាយថា ពួកគាត់ខកចិតយ៉ាងខ្លាំងចំពោះចំណាត់ការរបស់សមត្ថកិច្ចស្រុកស្វាយជ្រុំ ពួកគាត់ទៅប្តឹងគឺទាមទាឲ្យសរសេរពាក្យបណ្តឹង ហើយមិនចាត់ការ រហូតរូបគាត់ជាម្តាយស្វះស្វែងរកអ្នកសាព័ត៌មានជួយអន្តរាគមន៍ចុះផ្សាយ ទើបចុះសាកសួរនិងឲ្យយកកូនទៅមន្ទីរពេទ្យខេត្តធ្វើកោសល្យវិច្ចយ័ ហើយទុកឲ្យជនសង្សយ័ដើរប្រងើយទៅវិញ ។ចំណែកប្រជាពលរដ្ឋវិញនិយាយថា ពួកគាត់បានឮថា ជនសង្សយ័បានចាប់ក្មេងស្រីរំលោភអស់ជាច្រើននាក់មកហើយ ជាពិសេសក្មេងស្រីសតិមិនសូវគ្រប់ ម្យ៉ាងទៀតគ្រួសាររបស់ក្មេងស្រីរងគ្រោះ មានជីវភាពក្រលំបាក មានតែម្តាយជាស្ត្រីមេម៉ាយ មានកូនស្រីតែម្នាក់ ថែមទាំងសតិមិនគ្រប់ទៀត ទើបគាត់ជាម្តាយរបស់ក្មេងស្រីរងគ្រោះ បានសំណូមពរសុំឲ្យអង្គការមនុស្សធម៌ ជួយផ្គត់ផ្គង់និងព្យាបាលកូនរបស់គាត់ និងសូមឲ្យសមត្ថកិច្ចចាប់ខ្លួនជនសង្សយ័ដាក់ពន្ធនាគារ ដើម្បីកុំឲ្យដើរចាប់ក្មេងស្រីរំលោភបន្តទៀត៕
មតិយោបល់