ព័ត៌មានជាតិ

ឈើដែលឈ្មួញលាក់ទុកនៅមាត់ទន្លេសេសាន្ត គ្រងនាំចេញទៅវៀតណាមត្រូវសមត្ថកិច្ចបង្ក្រាប

រតនគិរី: កម្លាំងរដ្ឋបាលព្រៃឈើផ្នែកបរកែវ សហការជាមួយកម្លាំងអាវុធហត្ថមូលដ្ឋាន កម្លាំងនគរបាលនិង​កម្លាំង​យោធាស្រុកអូរយ៉ាដាវ ចុះរឹបអូសឈើសុក្រំជាច្រើនកំណាត់ដែលត្រូវបានក្រុមឈ្មួញដឹកយកមកគរទុកបម្រុងនាំទៅ​ប្រទេស​វៀត​ណាម តាមផ្លូវទឹកត្រង់ ។ ការចុះរឹបអូសនេះបានធ្វើឡើងកាលពីវេលាម៉ោង១២និង ៣០នាទីយប់ឈានចូលថ្ងៃទី៧ ខែតុលា ឆ្នាំ២០១៦ត្រង់ចំណុចច្រាំងទន្លេសេសាន្ត ស្ថិតក្នុងភូមិបាដល ឃុំសេសាន ស្រុកអូរយ៉ាដាវ ខេត្តរតនគិរី។

នាយផ្នែករដ្ឋបាលព្រៃឈើបរកែវលោក ឡេង យុគ បានប្រាប់ឲ្យដឹងថា បន្ទាប់ពីទទួលបានព័ត៌មានពីកម្លាំងសម្ងាត់ថា មានគំនរឈើ​នេះរួចមក រូបលោក សុំយោបល់ថ្នាក់លើចុះបង្ក្រាបទាំងយប់តែម្តង។ លោកបានបន្តថា ជាក់ស្តែងនៅក្នុងការចុះបង្ក្រាបនេះដែរ សមត្ថកិច្ចធ្វើការរឹប​អូសបានឈើសុក្រំ ចំនួន៦៧កំណាត់ ហើយត្រូវបានកម្លាំងលោកបានយកមធ្យោបាយ មកដឹកទៅរក្សាទុកនៅ​ស្នាក់ការ រដ្ឋបាលព្រៃឈើបរកែវ។

ជាការកត់សម្គាល់ក្នុងរយ:ពេលជិតមួយខែនេះ សកម្មភាពក្រុមឈ្មួញដឹកឈើទៅវៀតណាមបានស្ងប់ស្ងាត់ហើយ ក្រុមសមត្ថកិច្ច មកពីរាជធានីភ្នំពេញនិងក្នុងខេត្តរតនគិរីប្រមាណ៥០ស្ថាប័នប្រចាំការតាមដងផ្លូវជាតិលេខ៧៨ ដោយក្រុមសមត្ថកិច្ចខ្លះ ក្រោមលេស​ដាក់ត្រួតពិនិត្យអាវុធជាតិផ្ទុះ នោះបច្ចុប្បន្នពុំមានវត្តមានទៀតទេ៕

បង្ក្រាបឈើ

បង្ក្រាបឈើ

បង្ក្រាបឈើ

មតិយោបល់