រតនគិរីៈ លោក ថេង ច័ន្ទធី អធិការដ្ឋាននគរបាលស្រុកលំផាត់ បានឲ្យដឹងនៅវេលាម៉ោង៩ព្រឹកថ្ងៃទី៨ ខែតុលា ឆ្នាំ២០១៦ នេះថា អង្គការ អិន ភី អេ បានសហការជាមួយអង្គការម៉ែក ធ្វើការកម្ទេចគ្រាប់កាំភ្លើងត្បាល់ចំនួន១គ្រាប់ទៀតហើយ នៅចំណុចចំការល្ងរ ម្តុំរមណីយដ្ឋានទឹកជួរតាតតៃ ស្ថិតនៅភូមិដីឡូត៍ ឃុំជ័យឧត្តម ស្រុកលំផាត់ ខេត្តរតនគិរី។

លោកអធិការសូមធ្វើការអំពាវនាវដល់ប្រជាពលរដ្ឋនៅស្រុកលំផាត់ និងគ្រប់មជ្ឈដ្ឋាន មេត្តាចូលរួមសហការ ជាមួយអាជ្ញាធរដែលពាក់ព័ន្ធ ក្នុងករណីប្រទះឃើញគ្រាប់ យុទ្ធភ័ណ្ឌមិនទាន់ផ្ទុះ សូមរាយការណ៍ជូនអាជ្ញាធរ ជាពិសេសហាមកូនចៅរបស់បងប្អូន កុំឲ្យប៉ះពាល់បង្កឲ្យមានគ្រោះថ្នាក់ ដល់អាយុជីវិតជាយថាហេតុ៕