លោក Dudley Steinwall គ្រូបង្គោលក្រុមជម្រើសជាតិស្រីលង្ការ បានពោលសរសើរថា ប្រព័ន្ធការពាររបស់កម្ពុជាមានភាពរឹងមាំខ្លាំង ដែលនឹងក្លាយជាឧបសគ្គដ៏ចម្បងរបស់ក្រុមខ្លួន ក្នុងជំនួបមិត្តភាពស្អែកនេះ នៅពហុកីឡដ្ឋានជាតិអូឡាំពិក។

ថ្លែងក្នុងសន្និសីត មុននេះបន្តិចគ្រូបង្គោលរូបនេះរៀបរាប់ថាបានពិនិត្យមើលទម្រង់លេងរបស់កម្ពុជាយ៉ាងល្អិតល្អន់ ហើយឃើញថា តំបន់កាពាររបស់ម្ចាស់ផ្ទះសហការណ៍គ្នាបានយ៉ាងល្អ។
« ខ្ញុំបានមើលកាលកម្ពុជាប៉ះហុងកុង ពួកគេធ្វើបានល្អណាស់ ពិសេសតំបន់ការពារដែលមានកីឡាករលេងជាក្រុមបានល្អ។ ចំណុចនេះនិងពិបាកសម្រាប់យើង ប៉ុន្តែនេះជាជំនួបអន្តរជាតិលើកដំបូង ក្នុងការដឹកនាំរបស់ខ្ញុំ។ ដូចនេះ ខ្ញុំនឹងជួយក្រុមឲ្យល្អបំផុត។» សម្តីគ្រូស្រីលង្ការ។

បន្ថែមលើនេះ គ្រូបង្វឹកដដែលក៏បានបង្ហើបក្តីបារម្ភខ្លះ ដោយខ្សែប្រយុទ្ធសំខាន់មួយចំនួន បានរបួស ដែលពិបាកនឹងបង្កគ្រោះថ្នាក់ដល់ក្រុមគោព្រៃ។

កម្ពុជា នឹងប្រកួតមិត្តភាពចុងក្រោយតទល់នឹង ស្រីលង្ការ នាល្ងាចថ្ងៃស្អែកនេះ ក្រោយចាញ់ហុងកុង ២-០ កាលពី២ថ្ងៃមុន។ ប្រកួតទាំង២នេះ ជាជំនួបមិត្តភាពសម្រួចបច្ចេកទេសកីឡាករ ត្រៀមបើកទ្វារជាម្ចាស់ផ្ទះវគ្គជម្រុះ AFF Suzuki Cup នាសប្តាហ៍ក្រោយ។