ឧត្តរមានជ័យ: ជនសង្ស័យផឹកស្រាស្រវឹងទាស់ពាក្យសំដីជាមួយជនរងគ្រោះ បម្រុងទាញកាំបិតកាប់ជនរងគ្រោះ ត្រូវបានសមត្ថកិច្ចឃាត់ខ្លួននាំមកកាន់អធិការដ្ឋាននគរបាលក្រុងសំរោង ដើម្បីសួរនាំ។

ករណីបង្កជម្លោះនេះ បានកើតឡើងកាលពីវេលាម៉ោង៤និង២០នាទីថ្ងៃទី០៧ ខែតុលា ឆ្នាំ២០១៦ នៅចំណុចអូរខ្ចៅ ស្ថិតក្នុងភូមិផ្អុង សង្កាត់កូនក្រៀល ក្រុងសំរោង ខេត្តឧត្ដរមានជ័យ។

ជនសង្ស័យដែលគំរាមកំហែងជនរងគ្រោះមានឈ្មោះ ឡោម ឌឿយ ភេទប្រុស អាយុ២៧ឆ្នាំ មានទីលំនៅក្នុងភូមិផ្អុង(អូរខ្ចៅ) សង្កាត់កូនក្រៀល ក្រុងសំរោង។ ជនរងគ្រោះមានឈ្មោះ អ៊ួត អ៊ា ភេទប្រុស អាយុ២៤ឆ្នាំ មានទីលំនៅក្នុងភូមិផ្អុង(សុខដុមរម្យនា) សង្កាត់កូនក្រៀល ក្រុងសំរោង។

សមត្ថកិច្ចបានបញ្ជាក់ថា មូលហេតុ គឺជនសង្ស័យបានផឹកស្រាស្រវឹង ហើយមានទំនាស់ពាក្យសំដីជាមួយជនរងគ្រោះ ក៏បានទាញកាំបិតគំរាមជនរងគ្រោះ ក៏ត្រូវសមត្ថកិច្ចឃាត់ខ្លួននាំមកកាន់អធិការដ្ឋាននគរបាលក្រុងសំរោង ដើម្បីសាកសួរ និងកសាងសំណុំរឿងតាមនីតិវិធីនៃច្បាប់៕