រតនគិរី: នៅព្រឹកថ្ងៃអាទិត្យទី៩ ខែតុលា ឆ្នាំ២០១៦នេះ លោក លី វិន អភិបាលរងខេត្តរតនគិរី នឹងលោកឧត្តមសេនីយ៍ត្រី ងួន គឿន ស្នងការនគរបាលខេត្ត និងជាប្រធានមណ្ឌលប្រឡងជ្រើសរើសក្របខ័ណ្ឌមន្ត្រីនគបាលក្នុងខេត្តរតនគិរី រួមជាមួយក្រុមការងាររបស់អគ្គស្នងការដ្ឋាននគរបាលជាតិ និងក្រុមការងាររបស់បណ្ឌិតសភានគរបាលជាតិដែលមានបេក្ខជន និងបេក្ខនារីចូលរួមប្រលង ចំនួន៤១៤នាក់ ស្រី៩៦នាក់។

ក្នុងការបើកវិញ្ញាសារ ប្រលងខាងលើនេះ លោកឧត្តមសេនីយ៍ត្រីងួន គឿនបានបញ្ជាក់ថា ការប្រលងជ្រើសរើស ក្របខ័ណ្ឌនគរបាលជាតិ នេះ មាន២វិញ្ញាសារ។ វិញ្ញាសារទី១ គឺចំណេះដឹងទូទៅ វិញ្ញាសាទី២ គឺចំណេះដឹងកិច្ចការនគរបាល ហើយវិញ្ញាសារនីមួយៗ ចេញដោយក្រសួងមហាផ្ទៃ។ការប្រលងជ្រើសរើសក្របខ័ណ្ឌលើកនេះ មានបេក្ខជនសរុប៤១៤នាក់ស្រី៩៦នាក់ ចែកចេញជា១៨បន្ឌប់។

លោកស្នងការបានបញ្ជាក់ទៀតថាក្នុងការប្រលង ជ្រើសរើសបេក្ខជនមន្ត្រីក្របខ័ណ្ឌ នគរបាលនេះ គឺធ្វើឡើង យ៉ាងតឹងរឹងបំផុត ដោយមានការឆែកឆេរ លើបេក្ខជនមុនចូលប្រលង ធ្វើការយ៉ាមកាម តាមបន្ទប់នីមួយៗ និងមានរថយន្តសង្រ្គោះបន្ទាន់ ការពារផងដែរ ដោយការប្រលងនេះប្រើរយ:ពេលតែមួយព្រឹកតែប៉ុណ្ណោះ។

ការបើកវិញ្ញាសារ ប្រលងខាងលើនេះ លោក លី វិន អភិបាលរងខេត្តបានមានប្រសាសន៍សំណេះសំណាល និងផ្តាំផ្ញើទៅដល់បេក្ខជន បេក្ខនារី ទាំងអស់ធ្វើយ៉ាងណា ត្រូវខិតខំប្រលងឲ្យបានជាប់ ដើម្បីក្លាយខ្លួនទៅជាមន្ត្រីនគរបាល សម្រាប់បំរើសង្គមជាតិ ក្នុងការប្រលងនេះអ្នកចេះគឺជាប់៕