ភ្នំពេញ: នៅរសៀលថ្ងៃទី០៩ ខែតុលា ឆ្នាំ២០១៦នេះ មន្ត្រីជំនាញនៃការិយាល័យបទល្មើសគ្រឿងញៀន កងរាជអាវុធហត្ថរាជធានីភ្នំពេញបានបញ្ជូនជនសង្ស័យប្រុសស្រី០៦នាក់ ទៅតុលាការ ដើម្បីផ្តន្ទាទោសតាមច្បាប់ពាក់ព័ន្ធករណី ជួញដូរគ្រឿងញៀន។
ជនសង្ស័យទាំង០៦នាក់នេះត្រូវបានកម្លាំងអាវុធហត្ថខណ្ឌពោធិ៍សែនជ័យ ធ្វើការស្រាវជ្រាវ និងបង្ក្រាបបានកាលពីថ្ងៃទី០៨ ខែតុលា ឆ្នាំ២០១៦ វេលាម៉ោង៤រសៀល នៅផ្ទះលេខ៩ME ផ្លូវបេតុង ភូមិព្រៃព្រីងខាងត្បូង សង្កាត់ចោមចៅ ខណ្ឌពោធិសែនជ័យ។
ក្នុងប្រតិបត្តិការបង្ក្រាបនេះផងដែរកម្លាំងអាវុធហត្ថ បានធ្វើការដកហូតវត្ថុតាងជាច្រើនរួមមាន ម្សៅក្រាមសរថ្លាចំនួន៣៤កញ្ចប់( ធំ១,ធំល្មម១៧,តូច១៦), ជញ្ជីងថ្លឹងគ្រឿងញៀន២, ដបជក់គ្រឿងញៀន និងថង់ច្រកមួយចំនួន៕
មតិយោបល់