ភ្នំពេញ: អគ្គិសនីកម្ពុជា បានជូនដំណឹងមុននេះ១០នាទីថា នៅថ្ងៃទី១២ ខែតុលា ឆ្នាំ២០១៦ នាវេលាម៉ោង១១៖៤២នាទីព្រឹក មានករណីដាច់ចរន្តអគ្គិសនីនៅបន្ទប់ភ្លើង 492 ដែលមានទីតាំងស្ថិតនៅផ្លូវ២៩១ សង្កាត់បឹងកក់ ខណ្ឌទួលគោក រាជធានីភ្នំពេញ។

អគ្គិសនីកម្ពុជា បញ្ជាក់មូលហេតុថា ករណីដាច់ចរន្តអគ្គិសនីនៅតំបន់ខាងលើ ដោយសារមានកំហូចក្នុងបន្ទប់ភ្លើង ហើយបច្ចុប្បន្នក្រុមការងារបច្ចេកទេស កំពុងធ្វើការជួសជុល ដើម្បីភ្ជាប់ចរន្តឲ្យអតិថិជនឆាប់មានចរន្តអគ្គិសនីប្រើប្រាស់ឡើងវិញ៕