ព័ត៌មានជាតិ

បញ្ជូន​​ជនសង្ស័យ​៣នាក់​ ជា​មុខសញ្ញា​ជួញដូរ​គ្រឿងញៀន​​​ ទៅតុលាការ

សៀមរាប: ជន​សង្ស័យ​ចំនួន​ ៣​នាក់​ត្រូវ​បាន​សមត្ថកិច្ច​កសាង​សំណុំរឿង​រឿង​បញ្ជូន​ទៅកាន់​ ​តុលាការ​ នៅ​រសៀល​ថ្ងៃទី​១៤ ​ខែ តុលា ឆ្នាំ​២០១៦​ ដើម្បី​ចាត់ការ​បន្ត​ទៅ​តាមផ្លូវ​ច្បាប់។

​សមត្ថកិច្ច​ បាន​ឲ្យ​ដឹងថា ​មុខសញ្ញា​ជួញដូរ គ្រឿងញៀន ៣នាក់ ត្រូវ​បាន​សមត្ថកិច្ច នគរបាល​ប្រឆាំងគ្រឿងញៀន​ ចាប់ខ្លួន​កាលពី​វេលា​ម៉ោង​៦​និង​៣០​នា​ទីល្ងាច ថ្ងៃទី​១១ ​ខែតុលា ឆ្នាំ​២០១៦​នៅ ក្នុង​ចំណុច​ភូមិ​ត្រពាំង​ស្វាយ​ ឃុំ​ស្វាយ​លើ ​ស្រុក​ស្វាយ​លើ​ខេត្តសៀមរាប ​ដោយមានការ​សហការ​​​ពី​កម្លាំង​អធិការដ្ឋាននគរបាល​ស្រុក​ស្វាយ​លើចូលរួមផងដែរ​​។

ជនសង្ស័យ​ទាំង​៣​នាក់ ទី១​ឈ្មោះ​ម៉ាត់ មី ភេទ​ប្រុស អាយុ ២៥​ឆ្នាំ មុខរបរ​ធ្វើស្រែ​រស់នៅ​ភូមិ​អង្កាញ់ ​ឃុំ​ស្វាយ​លើ​ ស្រុក​ស្វាយ​លើ ​ខេត្តសៀមរាប​ (​ពីបទ​ជួញដូរ​) ទី២ឈ្មោះ ជន់​ សីលា ​ភេទ​ប្រុស អាយុ ២៤​ឆ្នាំ ​មុខរបរ​ជាង​ជួសជុល​រស់នៅ​ភូមិ​ត្រពាំង​ស្វាយ ឃុំ​ស្វាយ​លើ ​ស្រុក​ស្វាយ​លើ ​ខេត្តសៀមរាប (​ពី​បទ​សម្រួល​) និង៣ឈ្មោះ វិញ ​វិត​ ភេទ ប្រុស អាយុ ២៣​ឆ្នាំ​មុខរបរ​ធ្វើស្រែ​រស់នៅ​ភូមិ​ត្រពាំង​ស្វាយ ឃុំ​ស្វាយ​លើ ​ស្រុក​ស្វាយ​លើ​ ខេត្តសៀមរាប​ (​ពីបទ​ចាត់ចែង​)​។

បច្ចុប្បន្ន​ជន​ស​ង្ស័យទាំង​៣​នាក់​ ត្រូវបាន​សមត្ថកិច្ច​កសាង​សំណុំរឿង​​បញ្ជូន​ទៅកាន់​ តុលាការ​នៅ​រសៀល​ ថ្ងៃទី​១៤ ​ខែ តុលា ឆ្នាំ​២០១៦​ ដើម្បី​ចាត់ការ​បន្ត​ទៅ​តាមផ្លូវ​ច្បាប់​៕

img-20161014-wa0000

មតិយោបល់