ភ្នំពេញៈ យុវជនបែកថ្នាំម្នាក់ បានយកសម្ភារៈក្នុងផ្ទះដុត តែសំណាងល្អខូចខាតបន្តិចបន្ទួច ក៏ត្រូវសមត្ថកិច្ចនគរបាលព្រហ្មខណ្ឌដង្កោបានឃាត់ខ្លួនតែម្តង។ ហេតុការណ៍នេះ បានកើតឡើងនៅវេលាម៉ោង៩និង៤០នាទីព្រឹកថ្ងៃទី១៤ ខែតុលា ឆ្នាំ២០១៦ ស្ថិតនៅក្នុងភូមិពាម សង្កាត់ព្រៃស ខណ្ឌដង្កោ រាជធានីភ្នំពេញ។

សមត្ថកិច្ចបានឲ្យដឹងថា យុវជនដែលបែកថ្នាំនោះ ឈ្មោះ វ៉ាន់ សីហា ភេទប្រុស អាយុ២៧ឆ្នាំ មុខរបរនៅផ្ទះ ទីលំនៅភូមិពាម សង្កាត់ព្រៃស ខណ្ឌដង្កោ។

សមត្ថកិច្ចបានឲ្យដឹងទៀតថា មុនពេលកើតហេតុនោះ មានសាច់ញាតិជនបង្កខាងលើបានរាយការណ៍មកប្រាប់ថា ជនបង្កហេតុបានបែកថ្នាំ ហើយបានចូលទៅក្នុងផ្ទះ រួចយកសម្ភារៈ ដូចជាខោរអាវ មកដុតនៅក្នុងផ្ទះ តែសំណាងល្អឆេះបន្តិចបន្ទួច ត្រូវបានអ្នកផ្ទះឃើញ និងបានពន្លត់ទាន់ពេលវេលា និងបានរាយការណ៍ទៅសមត្ថកិច្ចមូលដ្ឋានឲ្យមកវៃខ្នោះចាត់ការតាមនីតិវិធី។

បច្ចុប្បន្នយុវជនបង្កហេតុខាងលើ ត្រូវបានសមត្ថកិច្ចមូលដ្ឋានកំពុងតែឃាត់ខ្លួន និងសួរនាំនៅអធិការដ្ឋាននគរបាលខណ្ឌដង្កោ ដើម្បីកសាងសាណុំរឿងចាត់ការតាមនីតិវិធីច្បាប់៕

https://youtu.be/el5h96Sug4Q