ក្រចេះ រថយន្តស៊ាំយ៉ុងដឹកឈើប្រណីតខុសច្បាប់មួយគ្រឿង ត្រូវបានកម្លាំងកងរាជអាវុធហត្ថលើផ្ទៃប្រទេស ធ្វើការបង្ក្រាបចាប់បាន ដោយធ្វើការដកហូតបានឈើប្រណីតជាច្រើនដុំ រួមនិងឃាត់ខ្លួនបានមនុស្សចំនួន២នាក់ ខណៈដែលរថយន្តខាងលើនេះបម្រុងដឹកឈើឆ្លងដែនទៅប្រទេសវៀតណាម ។

ការបង្ក្រាបនេះដែរ បានធ្វើឡើងកាលពីវេលាម៉ោង៦យប់ថ្ងៃទី១៥ ខែតុលា ឆ្នាំ២១៦ ស្ថិតនៅចំណុចផ្លូវជាតិលេខ៧៦អា ចំណុចភូមិមានជ័យ ឃុំស្រែជ័យ ស្រុកស្នួល ខេត្តក្រចេះ។

បើតាមការឲ្យដឹងថា ពីកម្លាំងកងរាជអាវុធហត្ថលើផ្ទៃប្រទេសបានឲ្យដឹងថា ក្នុងការបង្ក្រាបរថយន្ដសាំយ៉ុង ពណ៌ស មួយគ្រឿង ដឹកឈើប្រណីត នេះគឺធ្វើឡើងខណៈដែលរថយន្តមួយគ្រឿងនេះបម្រុងដឹកឈើយកទៅប្រទេសវៀតណាម ជាក់ស្តែងកម្លាំងអាវុធហត្ថ ឃាត់ខ្លួនមនុស្ស២នាក់ ដែលគេស្គាល់ថាជា មន្ត្រីពន្ធនាគារខេត្តក្រចេះផងដែរ។

បច្ចុប្បន្នរថយន្ដដឹកឈើខាងលើ ត្រូវបានកម្លាំងកងរាជអាវុធហត្ថផ្ទៃប្រទេស ធ្វើកាប្រគល់ឲ្យទៅផ្នែករដ្ឋបាលព្រៃឈើស្នួល រក្សាទុកចំណែកមនុស្សទាំង២នាក់ ត្រូវបានកម្លាំងអាវុធហត្ថផ្ទៃប្រទេស ផ្ញើរទុកនៅ ទីបញ្ជាកាដ្ឋានកងរាងអាវុធហត្ថ ស្រុកស្នូលដើម្បីចាត់កាតាមនីតិវិធីច្បាប់ ៕